الەۋەتتى اسكەري ءبولىم

Dalanews 27 اقپ. 2015 11:06 913

قوعامدىق قاۋىپسىزدىك پەن قۇقىقتىق ءتارتىپتى ساقتاۋ جانە قىزمەتتىك-جاۋىنگەرلىك مىندەتتەردى ورىنداۋ ماقساتىندا 1992 جىلى تاراز قالاسىندا قۇرىلعان ق ر  ۇلتتىق ۇلاننىڭ ارنايى № 5513 اسكەري بولىمىنە بيىل 23 جىل تولدى!

وسىعان وراي، اعىمداعى جىلدىڭ 25 اقپانىندا تاراز قالاسىنداعى №5513 اسكەري ءبولىمىنىڭ ۇيىمداستىرۋىمەن كەڭ كولەمدە مەرەكەلىك ءىس-شارا وتكىزىلدى. مەرەيتويعا اسكەري ءبولىمنىڭ ارداگەرلەرىمەن قاتار، جامبىل وبلىسى ءىىد قىزمەتكەرلەرى مەن ارداگەرلەرى، ق ر مامانداندىرىلعان ارنايى كۇزەت قىزمەتى باسقارماسى جانە باسقا دا قىزمەتتەر ارنايى شاقىرىلدى.

ءىس-شارانى № 5513 اسكەري ءبولىمىنىڭ كومانديرى پولكوۆنيك اكبار المابەك ۇلى: «جەكە قۇرامدى اسكەري ءبولىمنىڭ 23 جىل تولۋىمەن شىن جۇرەكتەن قۇتتىقتايمىن! وسى جىلدار اراسىندا اسكەري ءبولىم ءتۇرلى مەملەكەت جانە وبلىس كولەمىندەگى وپەراسيالارعا قاتىستى. تاپسىرىلعان جۇمىستىڭ قانشالىقتى اۋىرلىعىنا قاراماستان جاۋىنگەرلەر بورىشتارىن بىلىكتىلىكپەن، قىزمەتتىك قابىلەتتىلىكپەن ورىنداۋدا. ماسەلەن، وسى جىلدىڭ 14 تامىزى كۇنى جامبىل وبلىسى، مەركى اۋدانىندا بولعان الاپات ءورتتى سوندىرۋگە تاراز قالاسىنداعى №5513 اسكەري ءبولىمىنىڭ جەكە قۇرامى ايانباي تەر توگىپ، جەرگىلىكتى تۇرعىنداردىڭ شەكسىز العىسىنا بولەندى. مىنە، «وتانعا قىزمەت، ەلگە قۇرمەت» دەگەندى دالەلدەي تۇسكەندەي. الداعى ۋاقىتتا دا ەل مەن ەلباسى ارتقان سەنىمىن اقتاپ، ۇلتتىق ۇلاننىڭ ءاربىر قىزمەتشىسى وتان الدىنداعى پارىزى مەن بورىشىن ادال اتقاراتىنىنا بەك سەنىمدىمىن» - دەپ ءسوز سويلەپ اشىپ، جامبىل وبلىسى اكىمىنىڭ ارنايى العىس حاتىمەن 15 قىزمەتكەردى ماراپاتتاپ، 20 جاۋىنگەرگە «ەفرەيتور» شەنىن تابىس ەتتى.

سودان كەيىن جامبىل وبلىسى ءىىد باستىعىنىڭ ورىنباسارى پوليسيا پولكوۆنيگى قاليجان شوڭعاربايەۆ اسكەري ءبولىمنىڭ 23 جىلدىعىمەن شىن جۇرەكتەن قۇتتىقتاي وتىرىپ:

– ەل يگىلىگى جولىندا ءوز مىندەتتەرىن بۇلجىتپاي ورىنداپ، قىزمەت بارىسىندا ءسوزسىز ەرلىك، قىراعىلىق پەن كورەگەندىك تانىتىپ جۇرگەن اسكەري قىزمەتشىلەردىڭ ەڭبەكتەرى وراسان زور. بەيبىت كۇننىڭ باتىرلارى شەن ءۇشىن ەمەس، ەل ءۇشىن قىزمەت ەتەتىندىكتەرىنە سەنىمىمىز مول، – دەپ ءسوزىن اياقتاعان پولكوۆنيك مىرزا اسكەري ءبولىمنىڭ 10 قىزمەتكەرىن جامبىل وبلىسى ءىىد باستىعىنىڭ بۇيرىعىمەن ماراپاتتادى. سونىمەن قاتار، سالتاناتتى جيىنعا ارنايى شاقىرىلعان ءىىد ارداگەرلەر كەڭەسىنىڭ، ق ر مكقب-نىڭ وكىلدەرى جانە ت.ب قوناقتار جىلى لەبىزدەرىن ءبىلدىردى.

ءىس-شارا سوڭى اسكەري ءبولىمنىڭ «5513» وركەسترلىك ءانسامبلى مەن وبلىسىمىزدىڭ ەسترادا جۇلدىزدارىنىڭ دايىنداعان ارنايى كونسەرتتىك باعدارلاماسىنا ۇلاستى.

دارحان سەيسەنبايەۆ، № 5513 اسكەري ءبولىمىنىڭ  تاربيە جانە الەۋمەتتىك قۇقىقتىق  جۇمىستار بولىمشەسىنىڭ باستىعى، مايور

ۇسىنىلعان
سوڭعى جاڭالىقتار