Osyǵan oraı, aǵymdaǵy jyldyń 25 aqpanynda Taraz qalasyndaǵy №5513 áskerı bóliminiń uıymdastyrýymen keń kólemde merekelik is-shara ótkizildi. Mereıtoıǵa áskerı bólimniń ardagerlerimen qatar, Jambyl oblysy İİD qyzmetkerleri men ardagerleri, QR Mamandandyrylǵan arnaıy kúzet qyzmeti basqarmasy jáne basqa da qyzmetter arnaıy shaqyryldy.
İs-sharany № 5513 áskerı bóliminiń komandıri polkovnık Akbar Almabekuly: «Jeke quramdy áskerı bólimniń 23 jyl tolýymen shyn júrekten quttyqtaımyn! Osy jyldar arasynda áskerı bólim túrli memleket jáne oblys kólemindegi operasıalarǵa qatysty. Tapsyrylǵan jumystyń qanshalyqty aýyrlyǵyna qaramastan jaýyngerler boryshtaryn biliktilikpen, qyzmettik qabilettilikpen oryndaýda. Máselen, osy jyldyń 14 tamyzy kúni Jambyl oblysy, Merki aýdanynda bolǵan alapat órtti sóndirýge Taraz qalasyndaǵy №5513 áskerı bóliminiń jeke quramy aıanbaı ter tógip, jergilikti turǵyndardyń sheksiz alǵysyna bólendi. Mine, «Otanǵa qyzmet, elge qurmet» degendi dáleldeı túskendeı. Aldaǵy ýaqytta da el men Elbasy artqan senimin aqtap, Ulttyq Ulannyń árbir qyzmetshisi Otan aldyndaǵy paryzy men boryshyn adal atqaratynyna bek senimdimin» - dep sóz sóılep ashyp, Jambyl oblysy ákiminiń arnaıy alǵys hatymen 15 qyzmetkerdi marapattap, 20 jaýyngerge «efreıtor» shenin tabys etti.
Sodan keıin Jambyl oblysy İİD bastyǵynyń orynbasary polısıa polkovnıgi Qalıjan Shońǵarbaev áskerı bólimniń 23 jyldyǵymen shyn júrekten quttyqtaı otyryp:
– El ıgiligi jolynda óz mindetterin buljytpaı oryndap, qyzmet barysynda sózsiz erlik, qyraǵylyq pen kóregendik tanytyp júrgen áskerı qyzmetshilerdiń eńbekteri orasan zor. Beıbit kúnniń batyrlary shen úshin emes, el úshin qyzmet etetindikterine senimimiz mol, – dep sózin aıaqtaǵan polkovnık myrza áskerı bólimniń 10 qyzmetkerin Jambyl oblysy İİD bastyǵynyń buıryǵymen marapattady. Sonymen qatar, saltanatty jıynǵa arnaıy shaqyrylǵan İİD ardagerler keńesiniń, QR MKQB-nyń ókilderi jáne t.b qonaqtar jyly lebizderin bildirdi.
İs-shara sońy áskerı bólimniń «5513» orkestrlik ansambli men oblysymyzdyń estrada juldyzdarynyń daıyndaǵan arnaıy konserttik baǵdarlamasyna ulasty.
Darhan Seısenbaev, № 5513 áskerı bóliminiń Tárbıe jáne áleýmettik quqyqtyq jumystar bólimshesiniń bastyǵy, maıor
