مەملەكەتتٸك حاتشى گٷلشارا ەبدٸحالىقوۆانىڭ نازارىنا!
بٸر-ەكٸ كٷن بۇرىن «ەر نۋر & نيكا» قازاق-كەرٸس دوستىعى قوعامدىق قورىنىڭ باسشىسى يگناتيي تيو قاراعاندى قالاسى ەكٸمٸ نۇرلان ەۋبەكٸروۆتىڭ قابىلداۋىندا بولىپ ۆيكتور تسويعا قاراعاندىدا ەسكەرتكٸش ورناتۋ تۋرالى باستاما كٶتەرگەن. قالا ەكٸمٸ باستامانى بٸردەن قولداپتى. جۋىقتا تسويدىڭ ەسكەرتكٸشٸ ورتالىق قازاقستاننان بوي كٶتەرسە, تاڭ قالماڭىز.
ەرينە, مۋزىكانت, اكتەر, ەنشٸ ۆيكتور تسويدىڭ تالانتىنا تابىنۋشىلاردىڭ كٶپ ەكەنٸ مەلٸم. ونىڭ قازاقستاندا تۋىپ-ٶسكەنٸن دە جۇرت بٸلەدٸ. بٸراق, تسويدان بۇرىن قاراعاندىدا الاش قايراتكەرلەرٸنە ەلٸ كٷنگە دەيٸن نەگە كٶشە بەرٸلٸپ, ەسكەرتكٸش ورناتىلماي كەلەدٸ دەگەن ساۋال كٶكٸرەكتٸ كەمٸرٸپ جاتقانى ۇزاق جىل بولدى.
بىلتىر ەليحان بٶكەيحاننىڭ يۋنەسكو كٶلەمٸندە تويلانعان 150 جىلدىعىندا قاراعاندى وبلىسىنىڭ بۇرىنعى ەكٸمٸ نۇرمۇحامبەت ەبدٸبەكوۆ وبلىس ورتالىعىنان بٸر اۋداننىڭ اتى ە.بٶكەيحاننىڭ اتىنا بەرۋ جوسپارلانىپ وتىرعانىن ايتىپ, قۋانتقان ەدٸ. الايدا, ول مەسەلە جوسپار كٷيٸندە قالدى. ەكٸم كەتتٸ. جاڭا ەكٸم كەلدٸ. ال, قالا ەكٸمٸنٸڭ ەرەكەتٸ – اناۋ. اناۋ دەيتٸنٸمٸز, قاراعاندى قالاسىندا كٷنٸ بٷگٸنگە دەيٸن لەنين, وكتيابر قاتارلى سوۆەتتٸك كٶشەلەر مىزعىماي تۇر. تەۋەلسٸزدٸگٸمٸزگە شيرەك عاسىردان ۋاقىت اسسا دا قاراعاندىدا الاش ارىستارى ورىن تابىلماي تۇرعانىن قالاي, نەمەن تٷسٸندٸرۋگە بولادى? بٸزدٸڭ شە, ٷكٸمەتتەن ەشكٸم الاش قايراتكەرلەرٸنە ەسكەرتكٸش ورناتپاڭدار, كٶشە اتاۋىن بەرمەڭدەر دەگەن تٸكەلەي تاپسىرما بەرمەيدٸ. بۇل – جەرگٸلٸكتٸ ەكٸم-قارالاردىڭ نيەتٸ مەن ەرٸك-جٸگەرٸنە بايلانىستىن. وبلىس ورتالىعىندا ٶزگە ەتنوس ٶكٸلدەرٸنەن قايمىعىپ, سوۆەتتٸك ٶكٸمەت كٶسەمدەرٸمەن كٷرەسٸنگە تاستاي المايتىن ەكٸمدەردەن قانداي ٸسكەرلٸك, نەندەي باتىل قادامدار كٷتۋگە بولادى? تاريحي تۇلعالاردى تۇعىرىنا قوندىرا الماي وتىرعان قاراعاندى وبلىس, قالا ەكٸمدەردٸ بٷگٸنگٸ تٸرٸ قازاقتىڭ مٷددەسٸن قورعايدى, قامىن ويلايدى دەگەن كٸم سەنەدٸ?! الاشتىڭ 100 جىلدىعى بولسا, باستالىپ كەتتٸ. ەليحان بٶكەيحاننىڭ تۋعان جەرٸ, ەلٸمحان ەرمەكوۆتٸڭ قىزمەت ٸستەپ, ەڭبەگٸ سٸڭگەن مەكەن – قاراعاندى وبلىسىنداعى الاشتىڭ تاعدىرى وسىنداي بولعاندا ٶزگە ايماقتارعا نە دەرسٸڭ.
ايماق باسشى بولعان تالاي ەكٸمگە حات جازىپ, مەسەلە كٶتەرگەن سول ٶڭٸردەگٸ زييالىلاردىڭ داۋسى جەرگٸلٸكتٸ بيلٸكتٸڭ قۇلاعىنا جەتپەدٸ. بٸز دە ەكٸم-قارالاردان قايران بولماسىن بٸلٸپ, مەملەكەتتٸك حاتشى گٷلشارا ەبدٸحالىقوۆانىڭ نازارىنا وسى مەسەلەنٸ جەتكٸزگٸمٸز كەلەدٸ. ٶيتكەنٸ, تاريحتى, تاريحي تۇلعالاردى ۇلىقتاۋ, قوعامدى بٸرٸكتٸرۋ مەن ۇيىستىرۋداعى مەملەكەتتٸك ماڭىزى بار يدەولوگييالىق ٸس.
P.S. قازاق-كەرٸس دوستىعى قورىنىڭ باسشىسى يگناتيي مىرزا شىنىمەن قازاق-كەرٸس دوستىعىن تۋ ەتٸپ ۇستاعان ازامات بولسا, الاشتىڭ 100 جىلدىعىنا وراي قاراعاندى قالاسىنداعى لەنين كٶشەسٸن ەليحان بٶكەيحانوۆتىڭ اتىنا بەرٸپ, ەسكەرتكٸش ورناتىپ, ەلٸمحان ەرمەكوۆ تۇرعان ٷيگە ەسكەرتكٸش تاقتا ورناتايىق دەپ ۇسىنىس نەگە كٶتەرمەدٸ ەكەن دەگەن بٸر سۇراق كٶكەيٸمٸزدە ەلٸ تۇر...
نۇرا ماتاي
Abai.kz
