قازاقستاندا ٶتكەن رەسپۋبليكالىق رەفەرەندۋمنىڭ ٶتۋ بارىسىن حالىقارالىق باقىلاۋشىلار دا قاداعالاپ جاتىر. سولاردىڭ بٸرٸ - البانييا رەسپۋبليكاسىنىڭ مەملەكەتتٸك سايلاۋ كوميسسارى يليردجان چەليباشي. ول قازاقستانعا ورتالىق سايلاۋ كوميسسيياسىنىڭ شاقىرۋىمەن كەلگەن, دەپ حابارلايدى Dalanews.kz.
شەتەلدٸك دەلەگاتسييا استانا قالاسىنداعى بٸرنەشە داۋىس بەرۋ ۋچاسكەسٸندە بولدى. باقىلاۋشىلار بارعان نىسانداردىڭ بٸرٸ - استانا قالاسى ەكٸمدٸگٸنٸڭ «№119 جالپى بٸلٸم بەرەتٸن مەكتەبٸ» كوممۋنالدىق مەملەكەتتٸك مەكەمەسٸندە ورنالاسقان رەفەرەندۋم ۋچاسكەسٸ.
يليردجان چەليباشي بۇل ونىڭ قازاقستانعا العاش رەت كەلۋٸ ەكەنٸن ايتتى.
«مەن البانييا رەسپۋبليكاسىنىڭ مەملەكەتتٸك سايلاۋ كوميسسارى بولىپ قىزمەت اتقارامىن. قازاقستانعا ورتالىق سايلاۋ كوميسسيياسىنىڭ شاقىرۋىمەن كەلدٸك. بۇل - مەنٸڭ دە, بٸزدٸڭ دەلەگاتسييانىڭ دا قازاقستانعا العاشقى ساپارى», - دەدٸ ول.
حالىقارالىق باقىلاۋشىنىڭ ايتۋىنشا, رەفەرەندۋم بارىسىندا كٶرگەن دايىندىق جۇمىستارى جاقسى ەسەر قالدىرعان.
«بٸز بٸرنەشە ۋچاسكەدە بولدىق. داۋىس بەرۋ پروتسەسٸنٸڭ قالاي ٶتٸپ جاتقانىن كٶردٸك. كوميسسييا مٷشەلەرٸمەن سٶيلەستٸك, داۋىس بەرۋ تەرتٸبٸ تۋرالى سۇرادىق. بارلىعى تٷسٸنٸكتٸ تٷردە ۇيىمداستىرىلعان. قازٸرگٸ كٶرٸپ وتىرعانىمىز بويىنشا, دايىندىق جاقسى دەڭگەيدە», - دەدٸ چەليباشي.
ونىڭ سٶزٸنشە, رەفەرەندۋمنىڭ ناقتى باعاسى داۋىس بەرۋ اياقتالعاننان كەيٸن عانا بەرٸلەدٸ.
«قورىتىندىنى كٷن سوڭىندا عانا ايتۋعا بولادى. بٸز ەلٸ بٸرنەشە ۋچاسكەگە بارامىز. بٸراق قازٸرگٸ ەسەرٸمٸز جاقسى, بەرٸ تىنىش ەرٸ رەتٸمەن ٶتٸپ جاتىر», - دەدٸ حالىقارالىق باقىلاۋشى.
البانييالىق كوميسسار رەفەرەندۋمدى دەموكراتييالىق تالاپتاردى نىعايتۋعا باعىتتالعان قادام دەپ باعالاۋعا بولاتىنىن ايتتى.
