جاز مەزگٸلٸندە الاكٶل جاعالاۋى مىڭداعان تۋريستٸڭ سٷيٸكتٸ دەمالىس ورنىنا اينالادى. دەمالۋشىلار سانى ارتقان سايىن قاۋٸپسٸزدٸك مەسەلەسٸ دە ٶزەكتٸ بولا تٷسەدٸ. وسىعان بايلانىستى ۇيىمداستىرىلعان پرەسس-تۋر اياسىندا جۋرناليستەر جەتٸسۋ وبلىسى تٶتەنشە جاعدايلار دەپارتامەنتٸنٸڭ قىزمەتكەرلەرٸمەن بٸرگە رەيدكە قاتىسىپ, جاعالاۋداعى قاۋٸپسٸزدٸك شارالارىمەن تانىستى, دەپ حابارلايدى dalanews.kz.
الاكٶل جاعالاۋىندا تەۋلٸك بويى قۇتقارۋشىلار كەزەكشٸلٸك ەتەدٸ. جەتٸسۋ وبلىسى تٶتەنشە جاعدايلار دەپارتامەنتٸنٸڭ باستىعىنىڭ ورىنباسارى, پولكوۆنيك يگور جۋكوۆتىڭ ايتۋىنشا, تۋريستٸك ماۋسىم كەزٸندە مۇندا ٶرت سٶندٸرۋشٸلەر, جەدەل-قۇتقارۋ جاساعىنىڭ ماماندارى, ينسپەكتورلار مەن ەسكەري قىزمەتشٸلەردەن قۇرالعان ارنايى توپ جۇمىس ٸستەيدٸ.
– مۇندا جىل بويى 13 قۇتقارۋشى قىزمەت ەتەدٸ. تۋريستٸك ماۋسىمدا قوسىمشا ٶرت سٶندٸرۋ قىزمەتٸنٸڭ ماماندارى, جەدەل-قۇتقارۋ جاساعىنىڭ قىزمەتكەرلەرٸ جەنە ەسكەري بٶلٸم ساربازدارى جۇمىلدىرىلادى. ولار سۋداعى جەنە جاعالاۋداعى قاۋٸپسٸزدٸكتٸ قامتاماسىز ەتٸپ, كٷن سايىن رەيدتەر جٷرگٸزەدٸ, – دەدٸ يگور جۋكوۆ.
بيىل جاعالاۋ بويىنا 34 بەينەباقىلاۋ كامەراسى ورناتىلعان. قۇتقارۋشىلار كامەرالار ارقىلى سۋداعى جاعدايدى باقىلاپ, قاۋٸپ تٶنگەن جاعدايدا جەدەل ەرەكەت ەتەدٸ. سونىمەن قاتار بالالار دەمالاتىن لاگەرلەردە دە قاۋٸپسٸزدٸككە ەرەكشە كٶڭٸل بٶلٸنگەن.
جۋرناليستەر رەيد بارىسىندا سۋ كٶلٸكتەرٸن تەكسەرۋ جۇمىستارىنا كۋە بولدى. بيىل 1 شٸلدەدەن باستاپ شاعىن كٶلەمدٸ كەمەلەردٸ پايدالانۋ ەرەجەلەرٸن باقىلاۋ فۋنكتسيياسى تٶتەنشە جاعدايلار مينيسترلٸگٸنە بەرٸلگەن. سودان بەرٸ الاكٶل مەن بالقاش كٶلدەرٸندە 140-تان استام ەكٸمشٸلٸك ايىپپۇل سالىنعان.
مامانداردىڭ ايتۋىنشا, زاڭبۇزۋشىلىقتاردىڭ باسىم بٶلٸگٸ كەمە جٷرگٸزۋ قۇقىعىن راستايتىن قۇجاتتاردىڭ بولماۋىنا بايلانىستى تٸركەلەدٸ.
– كٶپشٸلٸك قايىق نەمەسە گيدروتسيكل جٷرگٸزۋ ٷشٸن ارنايى كۋەلٸك قاجەت ەكەنٸن بٸلە بەرمەيدٸ. بۇل كٶلٸك قۇرالىن باسقارۋ ٷشٸن ارنايى وقۋدان ٶتٸپ, ەمتيحان تاپسىرۋ كەرەك. ياعني, دەمالۋشى مۇنداي سۋ كٶلٸگٸن ٶزٸ باسقارۋعا بولمايدى, جٷرگٸزۋشٸنٸڭ ارتىندا وتىرۋعا عانا رۇقسات ەتٸلەدٸ. بۇل ٶزٸنٸڭ جەنە باسقا دەمالۋشىلاردىڭ قاۋٸپسٸزدٸگٸ ٷشٸن ماڭىزدى. سوندىقتان تٷسٸندٸرۋ جۇمىستارىن بارىنشا كٷشەيتٸپ جاتىرمىز, – دەدٸ يگور جۋكوۆ.
ونىڭ ايتۋىنشا, كەيبٸر دەمالۋشىلار قاۋٸپسٸزدٸك تالاپتارىن ەلەمەي, بۋيدان اسىپ جٷزٸپ كەتەدٸ نەمەسە قۇتقارۋ جيلەتٸن كيمەي سۋ كٶلٸگٸنە مٸنەدٸ. مۇنداي جاعدايلار قايعىلى وقيعالارعا ەكەلۋٸ مٷمكٸن.
قۇتقارۋشىلار الاكٶلگە كەلگەن تۋريستەرگە ەڭ الدىمەن ٷش ماڭىزدى ەرەجەنٸ ساقتاۋعا كەڭەس بەرەدٸ. بٸرٸنشٸدەن, ماس كٷيٸندە سۋعا تٷسۋگە نەمەسە سۋ كٶلٸگٸن باسقارۋعا بولمايدى. ەكٸنشٸدەن, بۋيدان اسىپ جٷزۋگە تىيىم سالىنادى. ٷشٸنشٸدەن, تٷندە سۋعا تٷسپەۋ. سونداي-اق قايىققا نەمەسە گيدروتسيكلگە مٸنگەن كەزدە مٸندەتتٸ تٷردە قۇتقارۋ جيلەتٸن كييۋ قاجەت.
– قاۋٸپسٸزدٸككە نەمقۇرايلى قاراماۋ كەرەك. كٶپ جاعدايدا تٶتەنشە جاعدايلاردىڭ سەبەبٸ – قاراپايىم ەرەجەلەردٸ ساقتاماۋ. دەمالىس كٶڭٸلدٸ ٶتۋٸ ٷشٸن ەر ادام الدىمەن ٶز قاۋٸپسٸزدٸگٸنە جاۋاپكەرشٸلٸكپەن قاراۋى قاجەت, – دەيدٸ ماماندار.
تۋريستٸك ماۋسىم قىزعان شاقتا الاكٶل جاعالاۋىندا قاۋٸپسٸزدٸكتٸ قامتاماسىز ەتۋ جۇمىستارى كٷشەيتٸلگەن رەجيمدە جالعاسىپ جاتىر. قۇتقارۋشىلار مەن پوليتسييا قىزمەتكەرلەرٸ تەۋلٸك بويى كەزەكشٸلٸك اتقارىپ, دەمالۋشىلاردىڭ تىنىشتىعى مەن قاۋٸپسٸزدٸگٸن باقىلاۋدا ۇستاپ وتىر.
