اماندىق باتالوۆتىڭ ايتۋىنشا, سەگٸز اي ٸشٸندە وبلىس ەكونوميكاسىن قارقىندى دامىتۋ شارالارىن اتقارۋدىڭ ارقاسىندا ٶنەركەسٸپتە – 2,8%, اۋىل شارۋاشىلىعىندا – 2,4%, ساۋدادا 4% ٶسٸمگە قول جەتكٸزٸلدٸ. جوسپارلانعان جىلدىق تۇرعىن ٷي كٶلەمٸنٸڭ 70% – 550 مىڭ شارشى مەتردٸ ٸسكە قوسقان. بۇل ٶتكەن جىلعا قاراعاندا 21%-عا ارتىق. جىل باسىنان بەرٸ 3,3% ٶسٸممەن 305,3 ملرد تەڭگە ينۆەستيتسييا تارتىلدى. جالپى, وبلىستىڭ ينۆەستيتسييالىق پورتفەلٸ 39 مىڭ جۇمىس ورنىن قۇراتىن, جالپى قۇنى 5,5 ترلن تەڭگەدەن اساتىن 388 جوبانى قامتيدى. بيىلعى جىلى 189 ملرد تەڭگەگە 41 نىسان ٸسكە قوسىلادى.
ال ٶڭٸردەگٸ اگروٶنەركەسٸپ كەشەنٸن دامىتۋدا توعىز باسىم باعىت انىقتالعان. بٸرٸنشٸدەن, بۇل – سۋارمالى ەگٸنشٸلٸكتٸ دامىتۋ. بٷگٸنگٸ تاڭدا ەسكەلدٸ, الاكٶل, اقسۋ, كٶكسۋ اۋداندارىندا يسلام دامۋ بانكٸنٸڭ قاراجاتى ەسەبٸنەن قالپىنا كەلتٸرۋ جۇمىستارى باستالدى.
جالپى, وبلىس بويىنشا 138 مىڭ گەكتار سۋارمالى جەردٸ قالپىنا كەلتٸرۋ جوسپارلانىپ وتىر, ونىڭ 39 مىڭ گەكتارى بيىلعى جىلى قالپىنا كەلتٸرٸلەدٸ. وسى جىلى ەگٸس كٶلەمٸ 961 مىڭ گەكتاردى قۇرادى. ونىڭ ٸشٸندە قانت قىزىلشاسى 14 مىڭ گەكتارعا, جٷگەرٸ 82 مىڭ گەكتارعا جەتكٸزٸلدٸ. رايىمبەك اۋدانىندا 600 گەكتار جەرگە كارتوپتىڭ ەليتالىق سورتىنىڭ تۇقىمى سەبٸلدٸ. شارۋالارعا كٶمەككە وبلىس بويىنشا بارلىعى 45 سەرۆيستٸك-دايىنداۋ ورتالىعى جۇمىس ٸستەيدٸ, وندا مىڭنان استام بٸرلٸك اۋىل شارۋاشىلىعى تەحنيكاسى بار.
ٶز سٶزٸندە وبلىس باسشىسى مال شارۋاشىلىعىنىڭ اياق الىسىنا دا توقتالىپ ٶتتٸ. مەسەلەن, بٷگٸنگٸ كٷنٸ 68,4 مىڭ باسقا ارنالعان 100 بورداقىلاۋ الاڭى جۇمىس ٸستەيدٸ, ونىڭ ٸشٸندە بيىلعى جىلى 3,7 مىڭ باسقا ارنالعان بەس بورداقىلاۋ الاڭى قۇرىلدى.
جوسپارلانعان 2 مىڭ توننا ٸرٸ قارا مال ەتٸنٸڭ 1300 تونناسى ەكسپورتتالدى. سونداي-اق 1,9 مىڭ باسقا ارنالعان تٶرت سٷت-تاۋار فەرماسى اشىلدى, بارلىعى 22 مىڭ باسقا ارنالعان 72 سٷت-تاۋار فەرماسى جۇمىس ٸستەپ تۇر.
وبلىس ەكٸمٸ ا.باتالوۆ ەلەۋمەتتٸك سالانى دامىتۋ شارالارىنا دا توقتالدى. سونىڭ ٸشٸندە كٶپبالالى جەنە از قامتىلعان وتباسىلاردى قولداۋ, ٷش اۋىسىمدى مەكتەپتەر مەسەلەسٸن شەشۋ ٸسٸ دە سٶز بولدى.
اماندىق باتالوۆ ٶڭٸر ەكونوميكاسىن ٶركەندەتۋدەگٸ شاعىن جەنە ورتا بيزنەستٸڭ رٶلٸن دە اتاپ ٶتتٸ. بايانداماشىنىڭ سٶزٸنە سٷيەنسەك, قازٸرگٸ كەزدە وبلىستا 123 مىڭ شاعىن جەنە ورتا بيزنەس سۋبەكتٸسٸ جۇمىس ٸستەيدٸ, ولاردا 245 مىڭ ادام جۇمىسپەن قامتىلعان. وندا ٶندٸرەتٸن ٶنٸمدەر مەن كٶرسەتٸلگەن قىزمەتتەردٸڭ جىلدىق كٶلەمٸ 1,3 ترلن تەڭگەدەن استى.
سونىمەن بٸرگە ٶڭٸردەگٸ تٷكش, ينفراقۇرىلىمدى دامىتۋ, قوعامدىق قاۋٸپسٸزدٸك مەسەلەلەرٸ دە نازاردان تىس قالعان جوق. اۋىلدىق جەرلەردە تۇرۋعا قولايلى جاعداي جاساۋعا دا باسا كٶڭٸل بٶلٸنٸپ وتىر. مەسەلەن, وسى جىلى «اۋىل – ەل بەسٸگٸ» جوباسى اياسىندا جەتٸ اۋدان ورتالىعىندا ەلەۋمەتتٸك جەنە ينجەنەرلٸك ينفراقۇرىلىمدى جٶندەۋ بويىنشا 7 ملرد تەڭگەگە 43 جوبا ٸسكە اسىرىلۋدا.
قوعامدىق كەڭەس مٷشەلەرٸ بايانداماشىنىڭ سٶزٸنەن كەيٸن ٶڭٸر باسشىسىنا مال شارۋاشىلىعىن دامىتۋ, ەت ٶڭدەۋ, وبلىس ورتالىعىن كٶركەيتۋ, جول جٶندەۋ جۇمىستارىنىڭ ساپاسى, جابايى ساۋدانى بولدىرماۋ, قوقىس شىعارۋ جەنە باسقا دا مەسەلەلەر تۋرالى ۇسىنىستار مەن پٸكٸرلەرٸن جەتكٸزدٸ. اماندىق باتالوۆ بارلىق سۇراقتارعا ناقتى جاۋاپ بەرٸپ, «ەرلٸك» قيمىل-قوزعالىسى كەم مٷگەدەكتەردٸڭ قوعامدىق بٸرلەستٸگٸنٸڭ تٶرايىمى روزا اقجاركەنوۆانىڭ تالدىقورعاندا مٷگەدەك جاندارعا ارنالعان وڭالتۋ ورتالىعىن اشۋ تۋرالى ۇسىنىسىن قولدايتىنىن ايتتى.
– سٸزدەرمەن كەزدەسۋٸم ەرقاشان ٶزارا ەركٸن پٸكٸر الماسۋ تٷرٸندە ٶتەدٸ, وسى جولعى كەزدەسۋ دە پايدالى بولدى عوي دەپ ويلايمىن. بارلىعىڭىزعا قولداۋ تانىتقاندارىڭىز ٷشٸن, بەلسەندٸ ازاماتتىق ۇستانىمدارىڭىز ٷشٸن العىس ايتامىن. بٸز بٸرلەسە جۇمىس ٸستەگەندە عانا ٶڭٸر ەكونوميكاسىن دامىتۋ مەن حالىقتىڭ ەل-اۋقاتىن ارتتىرۋعا باعىتتالعان «نۇر وتان» پارتيياسىنىڭ 18-سەزٸندە ەلباسى جٷكتەگەن مٸندەتتەردٸ ورىنداپ, پرەزيدەنتتٸڭ تاپسىرمالارىن تابىستى جٷزەگە اسىرا الامىز, – دەدٸ ا.باتالوۆ.
