تالدىقورعان قالاسىنداعى ٸ.جانسٷگٸروۆ اتىنداعى مەدەنيەت سارايىندا ٶتكەن سالتاناتتى جيىندا الماتى وبلىسىنىڭ ەكٸمٸ اماندىق باتالوۆ «ۇستازدار كٷنٸ» قارساڭىندا ٶڭٸردٸڭ بٸلٸم سالاسىنا ەڭبەگٸن سٸڭٸرگەن ارداگەر, زەينەتكەر پەداگوگتار مەن وسى كٷندە جاستاردى بٸلٸم نەرٸمەن سۋسىنداتىپ, بار بٸلٸمٸ مەن بٸلٸكتٸلٸگٸن ۇرپاق تەربيەلەۋ ٸسٸندە اياماي جٷرگەن بٸر توپ ۇستازداردى ماراپاتتادى.
سالتاناتتى جيىنعا قاتىسقان وبلىس ەكٸمٸ ٶز قۇتتىقتاۋىندا ەلدٸڭ بولاشاعى ٷشٸن مۇعالٸم ماماندىعىنىڭ قانشالىقتى ماڭىزدى رٶل اتقاراتىندىعىن تٸلگە تيەك ەتٸپ, ولاردىڭ ۇشان-تەڭٸز ەڭبەكتەرٸنە ريزاشىلىعىن بٸلدٸردٸ.
– بٷگٸن بٸزدٸڭ ەلٸمٸز ٷشٸن ايرىقشا مەرەكە, ەرەكشە مەيرام. ٶيتكەنٸ بالالارىمىزدىڭ, جارقىن بولاشاعىمىزدىڭ, بٸر سٶزبەن ايتقاندا, تۇتاس قازاقستاننىڭ تاعدىرىنا جاۋاپتى جانداردىڭ ەڭبەگٸ ەلەنەتٸن كٷن. الماتى وبلىسىنىڭ بٸلٸم بەرۋ مەكەمەلەرٸنٸڭ ينتەللەكتۋالدىق ەلەۋەتٸ زور. بٸزدە 35 مىڭ پەداگوگ بالالارعا بٸلٸم بەرۋدە. ولار قازاقستاندىق پەداگوگيكالىق دەستٷرلەردٸ ساقتاي وتىرىپ, زاماناۋي ەدٸستەردٸ, يننوۆاتسييالىق ەزٸرلەنٸمدەردٸ وقىتۋ پروتسەسٸنە ۇتىمدى ەنگٸزە باستادى. اتقارىلعان جۇمىستىڭ ساپاسى وقۋشىلارىمىزدىڭ جەتكەن جەتٸستٸكتەرٸمەن, مۇعالٸمدەردٸڭ كەسٸبي بٸلٸكتٸلٸگٸمەن ايشىقتالۋدا, – دەپ اتاپ ٶتتٸ ا.باتالوۆ.
سونىمەن قاتار وبلىس باسشىسى سٶزٸندە بٸلٸم سالاسىنىڭ الدىندا تۇرعان بٸرقاتار مٸندەتتەرگە دە توقتالىپ ٶتتٸ. ولاردىڭ قاتارىندا «تسيفرلى قازاقستان» مەملەكەتتٸك باعدارلاماسىنىڭ ٶڭٸردە نەتيجەلٸ ورىندالۋى, اپاتتىق جەنە ٷش اۋىسىمدى مەكتەپتەردٸڭ مەسەلەسٸن شەشۋ, سول سيياقتى مەملەكەتتٸك-جەكەمەنشٸك سەرٸكتەستٸك مەحانيزمٸن قولدانا وتىرىپ, بالالاردى مەكتەپكە دەيٸنگٸ مەكەمەلەرمەن قامتۋ باعىتىندا ناقتى شارالار قابىلداۋ قاجەتتٸگٸ دە ايتىلدى.
– تەك ٶتكەن جىلدىڭ ٶزٸندە وبلىستا 118 بالاباقشا اشىلدى, ونىڭ 117-سٸ مەملەكەتتٸك-جەكەمەنشٸك سەرٸكتەستٸك نەگٸزٸندە جەكە ينۆەستيتسيياعا تۇرعىزىلعان. بٷگٸنگٸ كٷنٸ وبلىستا 1026 مەكتەپكە دەيٸنگٸ مەكەمە بولسا, سونىڭ 433-ٸ جەكە ينۆەستيتسييا ەسەبٸنەن سالىنعان. مەكتەپكە دەيٸنگٸ تەربيەمەن قامتۋ دەڭگەيٸ ٶتكەن جىلى 95% بولعان ەدٸ, بيىلعى جىلدىڭ سوڭىنا دەيٸن 98%-عا جەتكٸزۋ كٶزدەلگەن. وسىدان تٶرت جىل عانا بۇرىن بۇل كٶرسەتكٸش 62%-دى قۇراپ, ەلٸمٸز بويىنشا ەڭ تٶمەنگٸ كٶرسەتكٸش سانالعان بولاتىن. دەر كەزٸندە قابىلدانعان ناقتى شارالاردىڭ نەتيجەسٸندە بالالاردى مەكتەپكە دەيٸنگٸ مەكەمەلەرمەن قامتۋ باعىتىنداعى جۇمىستى جولعا قويدىق, – دەدٸ ا.باتالوۆ.
ەكٸم سٶزٸنٸڭ قورىتىندىسىندا پەداگوگتاردى كەسٸبي مەرەكەلەرٸمەن قۇتتىقتاپ, ولارعا مىقتى دەنساۋلىق, تولايىم تابىس, وتباسىلارىنا اماندىق تٸلەدٸ.
ٸ دەرەجەلٸ ديپلوم مەن 250 مىڭ تەڭگەنٸڭ سەرتيفيكاتى «ٷزدٸك اۋىل مەكتەبٸ» اتالىمى بويىنشا جٷلدەگەر اتانعان قاراساي اۋدانى جامبىل اتىنداعى ورتا مەكتەپكە بەرٸلدٸ. دەل وسىنداي ديپلوم مەن 300 مىڭ تەڭگەنٸڭ سەرتيفيكاتى «ٷزدٸك كەسٸبي بٸلٸم بەرۋ مەكەمەسٸ» رەتٸندە تالدىقورعان پوليتەحنيكالىق كوللەدجٸنە تابىستالدى. سونداي-اق «ٷزدٸك بالاباقشا», «ٷزدٸك سىنىپ جەتەكشٸسٸ» نوميناتسييالارىنىڭ جەڭٸمپازدارىنا دا ماراپاتتار ۇسىنىلدى. ال تالدىقورعانداعى م.ارىن اتىنداعى دارىندى بالالارعا ارنالعان ٷش تٸلدە وقىتاتىن № 24 «ەكونوميكا جەنە بيزنەس» ليتسەيٸ «ورتا بٸلٸم بەرەتٸن ٷزدٸك ۇيىم» اتانىپ, مەكتەپ ۇجىمى 22 ملن 627 مىڭ 200 تەڭگەنٸڭ سەرتيفيكاتىنا يە بولدى.
«جىلدىڭ ٷزدٸك مۇعالٸمٸ – 2018» باستى نوميناتسيياسىنىڭ يەگەرٸ جامبىل اۋدانىنداعى ە.بەيسەۋوۆ اتىنداعى مەكتەپتٸڭ باستاۋىش سىنىپ مۇعالٸمٸ الما ماحانوۆا جەڭٸل اۆتوكٶلٸكتٸڭ كٸلتٸن وبلىس ەكٸمٸ ا.باتالوۆتىڭ قولىنان الدى.
جٷلدەگەر ۇستاز مۇعالٸمدەرگە, جالپى بٸلٸم سالاسىنا كٶرسەتٸلٸپ وتىرعان قولداۋ شارالارى ٷشٸن ريزاشىلىعىن بٸلدٸرٸپ, ەرٸپتەستەرٸنە زور تابىس تٸلەدٸ.
كەسٸبي مەرەكە بۇدان ەرٸ كونتسەرتتٸك باعدارلاماعا ۇلاسىپ, وندا وبلىستاعى كەسٸبي ەنشٸلەرمەن جەنە ٶنەر ۇجىمدارىمەن قاتار پەداگوگتاردىڭ ٶزدەرٸ مەن تالانتتى وقۋشىلار دا قاتىستى. ولاردىڭ اراسىندا قاپشاعاي قالاسىنداعى بالالار شىعارماشىلىق ورتالىعىنىڭ, جامبىل اۋدانىنداعى ٶنەر مەكتەبٸنٸڭ جەنە باسقا دا شىعارماشىلىق ۇجىمداردىڭ تەلٸمگەرلەرٸ مەن وقۋشىلارى بار.
بالجان قايراتقىزى
