Taldyqorǵan qalasyndaǵy I.Jansúgirov atyndaǵy Mádeniet saraiynda ótken saltanatty jiynda Almaty oblysynyń ákimi Amandyq Batalov «Ustazdar kúni» qarsańynda óńirdiń bilim salasyna eńbegin sińirgen ardager, zeinetker pedagogtar men osy kúnde jastardy bilim nárimen sýsyndatyp, bar bilimi men biliktiligin urpaq tárbieleý isinde aiamai júrgen bir top ustazdardy marapattady.
Saltanatty jiynǵa qatysqan oblys ákimi óz quttyqtaýynda eldiń bolashaǵy úshin muǵalim mamandyǵynyń qanshalyqty mańyzdy ról atqaratyndyǵyn tilge tiek etip, olardyń ushan-teńiz eńbekterine rizashylyǵyn bildirdi.
– Búgin bizdiń elimiz úshin airyqsha mereke, erekshe meiram. Óitkeni balalarymyzdyń, jarqyn bolashaǵymyzdyń, bir sózben aitqanda, tutas Qazaqstannyń taǵdyryna jaýapty jandardyń eńbegi elenetin kún. Almaty oblysynyń bilim berý mekemeleriniń intellektýaldyq áleýeti zor. Bizde 35 myń pedagog balalarǵa bilim berýde. Olar qazaqstandyq pedagogikalyq dástúrlerdi saqtai otyryp, zamanaýi ádisterdi, innovatsiialyq ázirlenimderdi oqytý protsesine utymdy engize bastady. Atqarylǵan jumystyń sapasy oqýshylarymyzdyń jetken jetistikterimen, muǵalimderdiń kásibi biliktiligimen aishyqtalýda, – dep atap ótti A.Batalov.
Sonymen qatar oblys basshysy sózinde bilim salasynyń aldynda turǵan birqatar mindetterge de toqtalyp ótti. Olardyń qatarynda «Tsifrly Qazaqstan» memlekettik baǵdarlamasynyń óńirde nátijeli oryndalýy, apattyq jáne úsh aýysymdy mektepterdiń máselesin sheshý, sol siiaqty memlekettik-jekemenshik seriktestik mehanizmin qoldana otyryp, balalardy mektepke deiingi mekemelermen qamtý baǵytynda naqty sharalar qabyldaý qajettigi de aityldy.
– Tek ótken jyldyń ózinde oblysta 118 balabaqsha ashyldy, onyń 117-si memlekettik-jekemenshik seriktestik negizinde jeke investitsiiaǵa turǵyzylǵan. Búgingi kúni oblysta 1026 mektepke deiingi mekeme bolsa, sonyń 433-i jeke investitsiia esebinen salynǵan. Mektepke deiingi tárbiemen qamtý deńgeii ótken jyly 95% bolǵan edi, biylǵy jyldyń sońyna deiin 98%-ǵa jetkizý kózdelgen. Osydan tórt jyl ǵana buryn bul kórsetkish 62%-dy qurap, elimiz boiynsha eń tómengi kórsetkish sanalǵan bolatyn. Der kezinde qabyldanǵan naqty sharalardyń nátijesinde balalardy mektepke deiingi mekemelermen qamtý baǵytyndaǵy jumysty jolǵa qoidyq, – dedi A.Batalov.
Ákim sóziniń qorytyndysynda pedagogtardy kásibi merekelerimen quttyqtap, olarǵa myqty densaýlyq, tolaiym tabys, otbasylaryna amandyq tiledi.
I dárejeli diplom men 250 myń teńgeniń sertifikaty «Úzdik aýyl mektebi» atalymy boiynsha júldeger atanǵan Qarasai aýdany Jambyl atyndaǵy orta mektepke berildi. Dál osyndai diplom men 300 myń teńgeniń sertifikaty «Úzdik kásibi bilim berý mekemesi» retinde Taldyqorǵan politehnikalyq kolledjine tabystaldy. Sondai-aq «Úzdik balabaqsha», «Úzdik synyp jetekshisi» nominatsiialarynyń jeńimpazdaryna da marapattar usynyldy. Al Taldyqorǵandaǵy M.Aryn atyndaǵy daryndy balalarǵa arnalǵan úsh tilde oqytatyn № 24 «Ekonomika jáne biznes» litseii «Orta bilim beretin úzdik uiym» atanyp, mektep ujymy 22 mln 627 myń 200 teńgeniń sertifikatyna ie boldy.
«Jyldyń úzdik muǵalimi – 2018» basty nominatsiiasynyń iegeri Jambyl aýdanyndaǵy Á.Beiseýov atyndaǵy mekteptiń bastaýysh synyp muǵalimi Alma Mahanova jeńil avtokóliktiń kiltin oblys ákimi A.Batalovtyń qolynan aldy.
Júldeger ustaz muǵalimderge, jalpy bilim salasyna kórsetilip otyrǵan qoldaý sharalary úshin rizashylyǵyn bildirip, áriptesterine zor tabys tiledi.
Kásibi mereke budan ári kontserttik baǵdarlamaǵa ulasyp, onda oblystaǵy kásibi ánshilermen jáne óner ujymdarymen qatar pedagogtardyń ózderi men talantty oqýshylar da qatysty. Olardyń arasynda Qapshaǵai qalasyndaǵy Balalar shyǵarmashylyq ortalyǵynyń, Jambyl aýdanyndaǵy óner mektebiniń jáne basqa da shyǵarmashylyq ujymdardyń tálimgerleri men oqýshylary bar.
Baljan Qairatqyzy
