ەجەتحانادا پرەزيدەنت سۋرەتٸ بار گازەتٸ قولدانعاندار ٸزدەستٸرٸلۋدە
ۋچاسكەلٸك ينسپەكتورلارعا اۋلاداعى قوقىستاردان پرەزيدەنتتٸڭ بىلعانعان سۋرەتتەرٸن دە ٸزدەۋدٸ تاپسىرعان. ەربٸر قوقىس جەشٸگٸنە بٸر-بٸر قاراۋىل قويىلعان. پرەزيدەنتتٸڭ سۋرەتٸ بار جىرتىلعان گازەتتەردٸ قوقىسقا تاستاعان ادامداردىڭ پەتەر نٶمٸرلەرٸن انىقتاپ, ارنايى ورگاندارعا حابارلاپ وتىرۋ مٸندەتتەلگەن.
ناۋرىز ايىندا داشوگۋز وبلىسى گوروگلى اۋدانىنداعى ورتا بٸلٸم بەرۋ مەكەمەلەرٸنٸڭ بٸرٸنٸڭ ەجەتحاناسىندا پرەزيدەنتتٸڭ سۋرەتتەرٸ بار گازەت تابىلعانى ٷشٸن, مەكتەپ ديرەكتورى جۇمىستان قۋىلعان. وسى وقيعادان كەيٸن قۇقىق قورعاۋ ورگاندارىنىڭ ٶكٸلدەرٸ مەملەكەتتٸك قىزمەتكەرلەردٸڭ ٷيلەرٸنٸڭ ەجەتحانالارىنا تەكسەرۋ جٷرگٸزگەن. ازاتتىق دەرەككٶزٸنٸڭ حابارلاۋىنشا, تەكسەرۋدەن كەيٸن 10 مەملەكەتتٸك قىزمەتكەر جۇمىستان شىعارىلعان.
ايماقتىق شەنەۋنٸكتەر تٷسٸنٸكتەمە بەرۋدەن باس تارتتى.
نەگٸزٸ تٷركٸمەنستاندا جەرگٸلٸكتٸ باسىلىمداردىڭ بەرٸندە بٸرٸنشٸ بەتتە مٸندەتتٸ تٷردە پرەزيدەنت گۋربانگۋلى بەردٸمۇحامەدوۆتٸڭ سۋرەتٸ تۇرۋى تيٸس.
