ەلىمىزدە ادام ساۋداسىنا قاتىستى ماتەريالدارمەن تانىسىپ، مامانداردىڭ پىكىرىنە قۇلاق تۇرگەنىمىزدە، قازاقستاندا بالالار مەن ايەلدەر، ءتىپتى تەپسە تەمىر ۇزەتىن ەر ازاماتتاردىڭ وزدەرى دە ادام ساۋداسىنىڭ قۇربانىنا اينالاتىن وقيعالار ءجيى كەزدەسەدى ەكەن.
مامانداردىڭ ايتۋىنشا، بۇگىندە ەلىمىزدە نازىك جاندىلاردىڭ زورلىقپەن سەكسۋالدى قىزمەتتەرگە پايدالانۋ مەن بالالاردىڭ ماجبۇرلەپ قايىر تىلەتۋ، ءتۇرلى جۇمىسقا جەگۋ سىندى ادام شوشىرلىق ارەكەتتەر ورىن الۋدى.
قۇقىق قورعاۋ ورگاندارىنىڭ كەلتىرگەن مالىمەتىنشە، سوڭعى ءۇش-تورت جىلدا مىڭداعان ازاماتتارىمىز ادام ساۋداسىنىڭ قۇربانى بولعان. سونداي-اق، ادام ساۋداسى بويىنشا تەك ءاربىر ءتورتىنشى قىلمىس قانا اشىلاتىنىن ايتا كەتۋىمىز كەرەك.
ادام ساۋداسىنا قاتىستى قىلمىستى اشىپ، ونى اشكەرەلەپ، قىلمىسكەرلەردىڭ جازاسىن بەرۋ دە وتە قيىن ءىس. ايتالىق، جاس قىزداردى الداپ-ارباپ سەكسۋالدى قىزمەت كورسەتۋگە يتەرمەلەيتىن جەڭگەيتايلارعا نۇسقاۋ بەرۋشىلەردىڭ كوپشىلىگى شەتەلدە وتىراتىنىن جاسىرىن ەمەس. مۇنداي جاعدايدا ولاردىڭ قۇرىقتاپ، زاڭ الدىندا جاۋاپقا تارتۋ قيىننىڭ-قيىنى.
مۇنداي جاعدايدا قازاقستاندىق قۇقىق قورعاۋ ورگاندارى شەتەلدىك ارىپتەستەرىمەن جانە بۇۇ جانىنداعى ادام ساۋداسىنا قارسى كۇرەس ىسىمەن تىعىز قارىم-قاتاناستا جۇمىس ىستەگەندە عانا ادام ساۋداسىنا قارسى كۇرەس ناتيجەلى بولاتىنى انىق.
جالپى العاندا ادام ساۋداسىنا قارسى كۇرەس ىسىنە قازاقستان بيلىگى 2016 جىلدان باستاپ ايرىقشا كوڭىل ءبولىپ كەلەدى. ءدال جىلدان باستاپ ەلىمىزدىڭ ايماقتارىندا ادام ساۋداسى مەن ءماجبۇرلى تۇردە سەكسۋالدى قىزمەتكە جەگىلگەن ازاماتتاردى وڭالتۋ ورتالىقتارى جۇمىسىن باستاعان ەدى.
ادام ساۋداسىنىڭ قۇربانىنا اينالعان كەز كەلگەن ادام اۋىر پسيحولوگيالىق سوققى الاتىنى بەلگىلى. دامىعان ەلدەردە مۇنداي ادامداردىڭ قالىپتى ومىرگە ورالۋى ءۇشىن وڭالتۋ ورتالىقتارى جۇمىس ىستەيدى.
بۇگىندە وسى باعىتتاعى جۇمىستار ءبىزدىڭ ەلىمىزدە دە جۇزەگە اسىپ، ادام ساۋداسىنان جاپا شەككەن ازاماتتار وڭالتۋ ورتالىقتارى جان-جاقتى كومەك كورسەتىپ جاتىر. بۇگىندە جاس قىزداردى شەتەلدە جوعارى جالاقىعا جۇمىس ىستەۋگە شاقىراتىن ۇيىمدار وتە كوپ. وڭ مەن سولىن تانىماعان جاس قىزدار وسىنداي ۇيىمداردىڭ قارماعىن تۇسكەن سوڭ، ءماجبۇرلى تۇردە سەكسۋالدى قىزمەتكە جەگىلەتىنى جاسىرىن ەمەس.
بۇگىندە ورىمدەي جاس قىزداردى قىلمىسكەرلەردىڭ قولىنان اراشالاپ الۋ ازىدىق ەتەدى. مۇنداي جاعدايعا تاپ بولعان ايەلدەردى قوعامدا دۇرىس قابىلدامايدى. وسىدان كەيىن ولار ۇلكەن كۇيزەلىسكە ۇشىراپ، وزىنە قول سالۋعا دەيىن باراتىنى جاسىرىن ەمەس.
قازاقستان بيلىگى وسىنداي قايعىلى جايتتاردىڭ الدىن الۋ ءۇشىن اۋدام ساۋداسىنىڭ قۇربانىنا اينالعان ازاماتتاردى وڭالتۋ ورتالىعىن اشىپ، جۇمىس ىستەپ جاتقانىن قۋانى قۇپتاۋمىز كەرەك.
بىزدەر ادام ساۋداسىنىڭ تۇبىرىنە بالتا شابۋ ءۇشىن قوعام بولىپ كۇرەسۋىمىز كەرەك. بۇل ءۇشىن ءبىزدىڭ جاستارىمىز ءبىلىمدى، كوزى اشىق بولۋى كەرەك. سول سياقتى قۇقىق قورعاۋ ورگاندارى دا ازامتتاردىڭ الداپ-اربايتىن ۇيىمداردى تەز ارادا انىقتاپ، ولاردىڭ جۇمىسىنا توسقاۋىل قويىپ وتىرۋى شارت. بۇل رەتتە قۇقىق قورعاۋ ورگاندارىنا ەل ازاماتتارى مەن ادام ساۋداسىنان ساقتاندىرۋ ءۇشىن قۇرىلعان قوعامدىق ۇيىمداردا قول ۇشىن سوزۋى ءتيىس.
تولقىن سادىروۆا
