قاراعاندى وبلىسىنىڭ اكىمى جۇمىسشىلارىنا جالاقى تولەمەيتىن مەكەمە باسشىلارىنىڭ باسپاناسىن سۋ مەن جارىقتان اجىراتۋدى ۇسىندى. ويتكەنى ولار جۇرتتىڭ ماڭداي تەر اقىسىن قالتاسىنا باسىپ، بالا-شاعاسى نەمەسە كوڭىلدەستەرىمەن شەتەلدەردە دامالۋعا كەتىپ قالاتىندى شىعارىپتى. بۇل جايىندا كتك ارناسى حابارلادى.

وبلىس اكىمى نۇرمۇحامبەت ابدىبەكوۆ مۇنداي اقپاراتتى قايدان العانىن اشىپ ايتپادى. دەسە دە، جۇمىسشىلارى جەۋگە نان تابا الماي وتىرعاندا وتباسىمەن شەتەل اساتىندار قاراعاندى وبلىسىندا جەتەتىنىن جاسىرىن جوق. اكىم ايتۋىنشا، قاراپايىم حالىق ايلىعىنا قول جەتكىزە الماي جۇرگەندە كەيبىر باسشىلار ەۋروپادا گولوۆكيننىڭ كەزدەسۋىن تاماشالاپ جۇرگەنىن دە ايتىپ قالدى. ءوڭىر باسشىسى قاراپايىم حالىقتىڭ جاعدايىنا ءجۇردىم-باردىم قارايتىن شەندىلەردى جازاسىز قالدىرمايتىنىن ەسكەرتتى.  نۇرمۇحامبەت ءوز كەزەگىندە نۇرمۇحامبەت ابدىبەكوۆ:

– ويلانىڭىزدار، زاڭگەرلەرمەن اقىلداسىڭىزدار. مەن ايتقانداي جۇمىسشىنىڭ كوممۋنالدىق قارىزىن جۇمىس بەرۋشىگە اۋدارۋدى قاراستىرىڭىزدار. سوسىن سۋ مەن جارىعىن قيىپ تاستايىق.  ءبىراق جارىقتى ديزەلدى گەنەراتورمەن قوسىپ الادى. سۋىن ءوشىرىپ تاستايىق وندا؟  قىسقاسى، بىردەڭە ويلاپ تابىڭدار، – دەدى.