سوڭعى جىلدارداعى سۇرانىس ماگيستراتۋرانىڭ يننوۆاسيالىق باعدارلامالارىن قۇرۋعا تۇرتكى بولعان. وسى جۇمىستاردىڭ اياسىندا اباي اتىنداعى قازۇپۋ اۋتيزم سپەكترى بۇزىلعان بالالاردى قولداۋ ءۇشىن سيفرلىق جانە ارنايى پەداگوگ كادرلارىن دايارلاۋدى قولعا العان بولاتىن.
جاڭا باعدارلامالارعا بارلىعى 718 ادام قابىلداندى، ونىڭ 63ء-ى ماگيستراتۋرا باعدارلامالارىن تاڭدادى.
بۇل – باعدارلامالار ءىس جۇزىندە ق ر پرەزيدەنتى قاسىم-جومارت توقايەۆتىڭ 2023 جىلعى 5 قازانداعى ءى رەسپۋبليكالىق پەداگوگتار سەزىندە سويلەگەن سوزىنە جاۋاپ بولىپ تابىلادى. ءوز كەزەگىندە پرەزيدەنت «...جوعارى وقۋ ورىندارىنداعى پەداگوگيكالىق ماماندىقتارعا قاتىستى باعدارلامالاردىڭ باسىم بولىگى زامان تالابىن ەسكەرمەيتىن بۇرىنعى ادىستەمەلەرگە نەگىزدەلگەن. زاماناۋي تاسىلدەر مەن تەحنولوگيانى ەنگىزە وتىرىپ، وقۋ باعدارلامالارىن قايتا قاراۋ، جاڭعىرتۋ قاجەت»، – دەگەن بولاتىن.
يننوۆاسيالىق باعدارلامالاردىڭ جاڭاشىلدىعى مۇعالىمدەردى دايارلاۋ بويىنشا كەڭ تارالعان تاسىلدەر مەن وقىتۋ تەحنولوگيالارىن قامتيدى.
ولارعا مۇعالىمدەردىڭ سيفرلىق قۇزىرەتتىلىگىن دامىتۋ، بەلسەندى وقىتۋعا ىقپال ەتەتىن ستۋدەنتتەرگە باعىتتالعان ءتاسىل مەن ادىستەمەلەر، ءمۇعالىمنىڭ جۇمساق/جالپى داعدىلارىن دامىتۋ، ءارتۇرلى وقۋشىلاردى تانۋ جانە ينكليۋزياتى ءبىلىم بەرۋ، مۇعالىمدەردىڭ كاسىبي دامۋى جانە وزگەرىستەردى باسقارۋ، زەرتتەۋگە نەگىزدەلگەن وقىتۋ، ءپانارالىق وقىتۋ باعىتتارى قامتىلعان.
جاراتىلىستانۋ عىلىمدارىنىڭ مۇعالىمدەرىن دايارلاۋ ءۇشىن STEM (Science Technology Engineering and Math) وقىتۋ ورتاق تەحنولوگياسى قولدانىلادى. جاڭا باعدارلامالاردا پاندەرگە ەمەس، ءمۇعالىمنىڭ ەڭبەك ارەكەتىنە نەگىزدەلگەن قۇزىرەتتىلىككە باسا نازار اۋدارىلعان. قۇزىرەتتىلىككە نەگىزدەلگەن ءبىلىم بەرۋ باعدارلاماسىنىڭ ساپاسى ستۋدەنتكە باعدارلانۋىندا جانە وقۋ ۇدەرىسىنە دەيىن، بارىسىندا جانە ودان كەيىن قۇزىرەتتىلىكتەردى باعالاۋ، انىقتاۋ جانە تانۋدا قولدانۋدىڭ ىڭعايلىلىعىمەن كورىنەدى.
