اكىمدىك وقۋشىلارعا 13 كولىك قۇرالى ساتىپ الدى. 4 اۆتوبۋس سەمەي قالاسىنا بەرىلسە، قالعان كولىك قۇرالى بەسقاراعاي، اباي، جارما، اياگوز، بورودۋليحا اۋداندارىنا جول تارتتى.
جاڭا تەمىر تۇلپارلار امەريكالىق ۇلگىدە قۇراستىرىلعان. گازەل 13 جولاۋشىعا، شاعىن اۆتوبۋستار 22 جولاۋشىعا ارنالعان. اۆتوبۋستار قاۋىپسىزدىك بەلدىكتەرىمەن، سومكەلەرگە ارنالعان سورەلەر جانە بەينەكامەرالارمەن جابدىقتالعان.
اۆتوبۋستاردىڭ ەسىكتەرى اشىق بولعان كەزدە اۆتوماتتى تۇردە بۇعاتتالادى. مەملەكەتتىك جانە ورىس تىلىندە ايتىلاتىن دىبىستىق حابارلامالار قوسىلعان. ليزينگ ارقىلى ساتىپ الىنعان اۆتوبۋستار قوسىمشا مۇمكىندىگى شەكتەۋلى جاندارعا ارنالعان كوتەرگىش قۇرىلعىلارمەن جانە 4 كامەرامەن جابدىقتالعان.
ايتا كەتسەك، بۇعان دەيىن وبلىستا جاڭا اۆتوبۋستار الىنباعان. كەلەسى جىلى تاعى 3 گازەل مەن 2 اۆتوبۋس ساتىپ الۋ جوسپاردا بار.
