Ákimdik oqýshylarǵa 13 kólik quraly satyp aldy. 4 avtobýs Semeı qalasyna berilse, qalǵan kólik quraly Besqaraǵaı, Abaı, Jarma, Aıagóz, Borodýlıha aýdandaryna jol tartty.
Jańa temir tulparlar amerıkalyq úlgide qurastyrylǵan. Gazel 13 jolaýshyǵa, shaǵyn avtobýstar 22 jolaýshyǵa arnalǵan. Avtobýstar qaýipsizdik beldikterimen, sómkelerge arnalǵan sóreler jáne beınekameralarmen jabdyqtalǵan.
Avtobýstardyń esikteri ashyq bolǵan kezde avtomatty túrde buǵattalady. Memlekettik jáne orys tilinde aıtylatyn dybystyq habarlamalar qosylǵan. Lızıń arqyly satyp alynǵan avtobýstar qosymsha múmkindigi shekteýli jandarǵa arnalǵan kótergish qurylǵylarmen jáne 4 kameramen jabdyqtalǵan.
Aıta ketsek, buǵan deıin oblysta jańa avtobýstar alynbaǵan. Kelesi jyly taǵy 3 gazel men 2 avtobýs satyp alý josparda bar.
