بەسقاراعاي اۋدانى نۇرلىبەك بايمۇراتوۆ اتىنداعى ورتا مەكتەپتٸڭ 10-سىنىپ وقۋشىسى ەراسىل بەيسەنگازينوۆ ەكولوگييالىق تازا پورتاتيۆتٸ گەنەراتور قۇراستىردى, دەپ حابارلايدى Dalanews.kz
جاس ٶنەرتاپقىشتىڭ ايتۋىنشا, قۇرىلعىنى پايدالانۋ ٷشٸن ٶزەن نەمەسە ٷلكەن سۋ قويماسى قاجەت ەمەس, شاعىن كونتەينەردەگٸ سۋ جەتكٸلٸكتٸ.
گەنەراتوردىڭ جۇمىس پرينتسيپٸ قاراپايىم: ىدىستاعى سۋ شاعىن سورعى ارقىلى دٶڭگەلەك قالاقتارىنا بەرٸلەدٸ. دٶڭگەلەك اينالعان كەزدە گەنەراتور ٸسكە قوسىلىپ, ەلەكتر ەنەرگيياسىن ٶندٸرەدٸ. نەتيجەسٸندە تۇرمىستىق قاجەتتٸلٸككە جارامدى قۋات الىنادى.
«بۇل گەنەراتوردىڭ باستى ارتىقشىلىعى – اۋا رايىنا تەۋەلسٸزدٸگٸ. كٷن نەمەسە جەل ەلەكتر ستانسالارى سيياقتى تابيعي جاعدايدى كٷتۋدٸڭ قاجەتٸ جوق. قۇرىلعىنى كەز كەلگەن جەردە ورناتىپ, قولدانۋعا بولادى. بارلىق ماتەريال ەكولوگييالىق تازا ەرٸ دەنساۋلىققا زييانى جوق», – دەيدٸ ٶنەرتاپقىش وقۋشى.
جوبانى جٷزەگە اسىرۋ بارىسىندا ەراسىل قولدا بار ماتەريالداردى پايدالانعان. دٶڭگەلەك ەسكٸ گرامپلاستينكالاردان جاسالسا, قالاقشالارى پلاستيك بٶتەلكە قاقپاقتارىنان قۇراستىرىلعان. نەگٸزگٸ 12 ۆولتتٸك گەنەراتور ەسكٸ پرينتەردەن الىنىپ, سۋ سورعىسى رەتٸندە ويىنشىق سۋ بۇرقاق قوزعالتقىشى قولدانىلعان. جارىق كٶزٸ رەتٸندە جارىقديودتى شامدار ورناتىلدى.
الداعى ۋاقىتتا وقۋشى قۇرىلعىنى جەتٸلدٸرٸپ, قۋاتىن ارتتىرۋدى جوسپارلاپ وتىر. سونداي-اق گەنەراتوردى تۇرمىستىق تەحنيكالاردى قوسۋعا بەيٸمدەۋدٸ ماقسات ەتەدٸ.
بۇل باستاما جاس ٶنەرتاپقىشتىڭ ٸزدەنٸمپازدىعى مەن ينجەنەرلٸك قابٸلەتٸن كٶرسەتٸپ قانا قويماي, بولاشاقتا ەنەرگييا ٷنەمدەۋدٸڭ تيٸمدٸ جولدارىن دامىتۋعا ٷلەس قوسۋى مٷمكٸن.
جەتەكشٸسٸ: فيزيكا پەنٸ مۇعالٸمٸ مەيرامگالي جەكسەناەۆ
