اباي وبلىسىندا مۇعالىمدەر كۇنىنە وراي ايماق باسشىسى نۇرلان ۇرانحايەۆ، وبلىستىق ءماسليحات ءتوراعاسى قۋانىش سۇلەيمەنوۆ ارداگەر ۇستازداردىڭ ۇيلەرىنە بارىپ، ۇزاق جىلعى قاجىرلى ەڭبەكتەرى ءۇشىن العىس ءبىلدىردى.

سانالى عۇمىرلارىن جاس ۇرپاقتى تاربيەلەۋ مەن ءبىلىم بەرۋگە ارناعان قاريالارعا العىس حاتتار مەن ەستەلىك سىيلىقتار تابىستالدى.

اراگەر ۇستاز الەكساندرا ۆولكوۆا 1 عاسىردىڭ كۋاسى. قازاقستانعا ۇلى وتان سوعىسى اياقتالعاننان كەيىن كەلىپ، 1953 جىلدان سەميار ورتا مەكتەبىندە باستاۋىش سىنىپتارعا ساباق بەردى. 30 جىلدىق مۇعالىمدىك جولىندا زەينەتكە شىققانعا دەيىن بىرنەشە بۋىن ۇرپاقتى تاربيەلەدى.

-جاسىم جۇزدەن استى. وسى كۇنگە جەتۋىمنىڭ سىرى بالالاردى، شاكىرتتەرىمدى جاقسى كورۋىمنەن دەپ ويلايمىن. ەڭبەگىمنىڭ ەش كەتپەگەنىنە قۋانامىن. ەلەپ-ەسكەرىپ كەلگەندەرىڭىزگە انالىق، ۇستازدىق العىسىمدى بىلدىرەمىن، - دەدى الەكساندرا ۆولكوۆا.

مارۆاتجان بايقانوۆ اقساقال ءوزىنىڭ ەڭبەك جولىن 1950 جىلى باشكول مەكتەبىندە قازاق ءتىلى مەن ادەبيەتى ءپانىنىڭ وقىتۋشىسى بولىپ باستاعان. ۇزاق جىلدار ءبىلىم ءبولىمىن باسقارىپ، 39 جىلدىق ەڭبەك وتىلىمەن قۇرمەتتى دەمالىسقا شىققان. ەڭبەك ءارى تىل ەڭبەككەرى مارۆاتجان ادحام ۇلى ءقازىر بەسقاراعاي اۋدانىنداعى "باشكول" تاتار مادەني ورتالىعىنىڭ اقساقالدار كەڭەسىن باسقارادى.

ەلىمىزدىڭ ءبىلىمدى جاستارىن تاربيەلەپ، ەڭبەگىنىڭ زەينەتىن كورىپ وتىرعان قاريالار بۇگىنگى مەرەكەدە لايىقتى قۇرمەتكە يە بولدى.