اباي وبلىسى تۇرعىندارى «تازا قازاقستان» رەسپۋبليكالىق اكتسيياسى اياسىندا بەسقاراعاي اۋدانىنىڭ جىلاندى اۋىلىنىڭ ماڭىندا كٶشەت وتىرعىزدى. 12 گەكتار جەرگە 57 120 تٷپ كٶشەت ەگٸلدٸ.
اكتسيياعا قاراعايلى ورماندى قالپىنا كەلتٸرۋگە ٷلەس قوسقىسى كەلەتٸن جەرلەستەرٸمٸز قاتىستى. ولاردىڭ اراسىندا جاستار, مەسليحات دەپۋتاتتارى, ەرٸكتٸلەر, باق ٶكٸلدەرٸ مەن سپورتشىلار بار.
اكتسيياعا كەزەكتٸ مەرتە قاتىسقان وبلىس ەكٸمٸ نۇرلان ۇرانحاەۆ بۇل باستامانىڭ باستى ماقساتى ٶڭٸردٸڭ بيوالۋانتٷرلٸلٸگٸ مەن ەكوجٷيەسٸن قورعاۋدا شەشۋشٸ رٶل اتقاراتىن ورماندى ساقتاۋ ەكەنٸن اتاپ ٶتتٸ.
«بۇل اكتسييا بٸر رەتتٸك شارا ەمەس. الداعى ۋاقىتتا دا جالعاسادى. سەمەي قالاسىندا «ەلٸماي» فك, كلۋب تەربيەلەنۋشٸلەرٸ, «سەمەي» فۋتزال كومانداسىنىڭ ويىنشىلارى كٶشەت وتىرعىزىپ, اكتسيياعا ٶز ٷلەستەرٸن قوسۋدا. تازالىق جۇمىستارىنا بەرٸمٸز بٸر كٸسٸدەي اتسالىسىپ, ايماعىمىزدى كٶركەيتۋ ارقىلى ٶسكەلەڭ ۇرپاققا ٷلگٸ بولا الامىز», - دەدٸ وبلىس ەكٸمٸ ٶز سٶزٸندە.
بيىل رەزەرۆات اۋماعىنداعى 6100 گەكتار جەرگە 28 ملن 700 مىڭ كٶشەت وتىرعىزۋ جوسپارلانعان. بۇل جۇمىس ەكٸ كەزەڭدٸ قامتيدى. مەسەلەن, كٶكتەمدە 5 مىڭ گەكتاردان استام, ال قالعان 961 گەكتارعا كٷزدە قاراعايدىڭ جاس ٶسكٸندەرٸن جەرسٸندٸرۋ مٸندەتٸ تۇر.
انىقتاما: اكتسييا باستالعاننان بەرٸ وبلىستا 12 مىڭعا جۋىق اۋلا رەتكە كەلتٸرٸلٸپ, تۇرمىستىق قاتتى قالدىقتار پوليگونىنا 13 مىڭ توننادان استام قالدىق شىعارىلدى. 80 مىڭ اعاش, 22 مىڭ بۇتا وتىرعىزىلىپ, 218 ساياباق پەن 85 تاريحي-مەدەني ەسكەرتكٸش اباتتاندىرىلدى.
