Abai oblysy turǵyndary «Taza Qazaqstan» respýblikalyq aktsiiasy aiasynda Besqaraǵai aýdanynyń Jylandy aýylynyń mańynda kóshet otyrǵyzdy. 12 gektar jerge 57 120 túp kóshet egildi.
Aktsiiaǵa qaraǵaily ormandy qalpyna keltirýge úles qosqysy keletin jerlesterimiz qatysty. Olardyń arasynda jastar, máslihat depýtattary, eriktiler, BAQ ókilderi men sportshylar bar.
Aktsiiaǵa kezekti márte qatysqan oblys ákimi Nurlan Uranhaev bul bastamanyń basty maqsaty óńirdiń bioalýantúrliligi men ekojúiesin qorǵaýda sheshýshi ról atqaratyn ormandy saqtaý ekenin atap ótti.
«Bul aktsiia bir rettik shara emes. Aldaǵy ýaqytta da jalǵasady. Semei qalasynda «Elimai» FK, klýb tárbielenýshileri, «Semei» fýtzal komandasynyń oiynshylary kóshet otyrǵyzyp, aktsiiaǵa óz úlesterin qosýda. Tazalyq jumystaryna bárimiz bir kisidei atsalysyp, aimaǵymyzdy kórkeitý arqyly óskeleń urpaqqa úlgi bola alamyz», - dedi oblys ákimi óz sózinde.
Biyl rezervat aýmaǵyndaǵy 6100 gektar jerge 28 mln 700 myń kóshet otyrǵyzý josparlanǵan. Bul jumys eki kezeńdi qamtidy. Máselen, kóktemde 5 myń gektardan astam, al qalǵan 961 gektarǵa kúzde qaraǵaidyń jas óskinderin jersindirý mindeti tur.
Anyqtama: Aktsiia bastalǵannan beri oblysta 12 myńǵa jýyq aýla retke keltirilip, turmystyq qatty qaldyqtar poligonyna 13 myń tonnadan astam qaldyq shyǵaryldy. 80 myń aǵash, 22 myń buta otyrǵyzylyp, 218 saiabaq pen 85 tarihi-mádeni eskertkish abattandyryldy.
