ا. مانتاي. ەۋروپالىق ٶمٸردٸ قييالداۋ...
...وسىدان ەكٸ جىل بۇرىن ستامبۇلدان يزميرگە اۆتوبۋسپەن باردىم. اۆتوبۋستا داياشى يزميرگە جەتكەنٸمٸزشە شوكولادپەن, تٷرٸك تەتتٸسٸمەن, «توقاشىمەن» بەس-التى رەت شاي بەردٸ. ەگەر شاي ٸشكٸڭٸز كەلمەسە, «Goco-cola», «Fanta», بولماسا, مينەرالدى نە مينەرالسىز سۋسىن ٸشٸڭٸز. بەرٸ دە بيلەتتٸڭ ٸشٸنە كٸرەدٸ. ەر جولاۋشىنىڭ الدىندا پلانشەت تۇرادى, قالاساڭىز مۋزىكا تىڭداپ (ەلەمدٸك كلاسسيكا, نە تٷرٸك ەۋەندەرٸ), كينو كٶرٸڭٸز, نە ينتەرنەتكە كٸرٸڭٸز. اۆتوبۋس جاپ-جاڭا, ىڭعايلى, قۇددى ٶزٸڭٸزدٸ ۇشاقتا وتىرعانداي سەزٸنەسٸز. يزميرگە جەتكەسٸن بٸز اۆتوبۋسىنا مٸنگەن كومپانييا ەرقايسىمىزدى گازەلمەن ٷيٸمٸزگە اپارىپ تاستادى. يزميردەن ستامبۇلعا قايتارىمدا سوندا وقيتىن تۋعان ٸنٸم: «تٷركييادا بيزنەسمەندەر اراسىندا ٷلكەن بەسەكەلەستٸك بار. ولار جولاۋشى ٷشٸن بارلىق جاعدايدى جاسايدى. ەرتەڭ وسىنداي ساعاتتا, وسىنداي مينۋتتا ٷيدٸڭ قاسىنداعى ايالدامادا تۇرامىز. كومپانييانىڭ گازەلٸ كەلٸپ, بٸزدٸ اۆتوۆوكزالعا جەتكٸزٸپ تاستايدى» دەدٸ. زاتىمىزدى سٷيرەپ, مەترومەن جٷرگەنٸمٸز جوق, نە تاكسي شاقىرىپ, شىعىندانعانىمىز جوق.
...پوستكەڭەستٸك ەلدەرگە تٷركيياداعىداي جاعدايعا جەتۋ ٷشٸن قانشا جىل كەرەك? بٷگٸندە بيلٸكتە وتىرعاندار كەزٸندە كوممۋنيزم تۋرالى ەرتەگٸ ايتقان, ەرتەگٸ تىڭداپ ٶسكەندەر, ەلدە ولار سول ەرتەگٸنٸ باسقاشا تٷرلەندٸرٸپ, ەرتٷرلٸ نۇسقاسىن ايتۋدى جالعاستىرا بەرە مە?
ۋكرايندار حاركوۆكە ساياحاتتاپ بارا جاتقانىمدى ەستٸپ, بٸرٸنەن كەيٸن بٸرٸ قالانىڭ مەن كٶرۋگە تيٸس جەرلەرٸن ايتىپ, كەڭەس بەرٸپ جاتتى. اۆتوبۋستاعى كٶرشٸم ٶز قالاسىنان جۇمىس تاپپاعاسىن مەسكەۋدە جۇمىس ٸستەپ, جان باعىپ جٷر ەكەن. ارتىمدا وتىرعان ەكٸ ەيەل دە مەسكەۋدە جۇمىس ٸستەيدٸ ەكەن. ۋكرايندىق اكتسەنتپەن سٶيلەيتٸن ەركەك داۋىستى ەيەل: «ورىستاردى جاماندايمىز, بٸراق مەسكەۋدە جۇمىس ٸستەيمٸز. ورىستاردى ۇناتپاسا دا, مەسكەۋدە جۇمىس ٸستەپ جاتقان ۋكراين كٶپ» دەدٸ.
شەكارادا ۇزاق تۇرعاننان شارشاعان جۇرت ەيەلدٸڭ سٶزٸن ەستٸسە دە, ونىمەن پٸكٸر-تالاستىرمادى. ەلدە كٶپ سٶيلەيتٸن, مٸنەزدٸ ەيەلمەن ەشكٸم سٶزگە كەلگٸسٸ كەلگەن جوق.
ەسٸمە مەسكەۋدە وقيتىن ۋكراين قىزدىڭ «مەنٸ كەيبٸر دوستارىم «ساتقىن» دەيدٸ ەكەن. سوندا مەن مەسكەۋدە بٸلٸم الىپ جاتقانىم ٷشٸن ساتقىنمىن با?» دەپ مۇڭايعانى تٷستٸ. مەسكەۋدە وقىپ, جۇمىس ٸستەپ, نان تاۋىپ, بالا-شاعاسىن اسىراپ جاتقان ۋكراينداردىڭ ەشقايسىسى دا ساتقىن ەمەس. ولار بار بولعانى توعىشار شەنەۋنٸكتەردٸڭ قۇربانى.
