جٷزەگە اسقان جوبا قالا تۇرعىندارىن سەنٸمدٸ گازبەن قامتاماسىز ەتۋگە مٷمكٸندٸك بەرەدٸ. سونداي-اق, جوبا «تۇران», «وڭتٷستٸك-شىعىس» گاز جىلۋ ستانتسييالارىنا, ٷركەر (يلينكا), پريگورودنىي, ٶندٸرٸس, كيرپيچنىي ەلدٸ مەكەندەرٸنە جوعارى قىسىمدى جەلٸلەردٸ قوسۋدى قامتاماسىز ەتتٸ.
جوبانى ٸسكە اسىرۋدىڭ ارقاسىندا اۆتونومدى قازاندىقتاردان ورتالىق گازبەن جابدىقتاۋعا «بۋداپەشت», «Cosmic City», «Family Town» كٶپپەتەرلٸ تۇرعىن ٷي كەشەندەرٸ قوسىلدى.
سول سيياقتى جاقىن ارادا «كۋرشەۆەل» تۇرعىن ٷي كەشەنٸ قوسىلادى. بۇل ٷيلەردٸڭ تۇرعىندارى تۇرعىن ٷي كەشەنٸن ورتالىق گازبەن جابدىقتاۋعا كٶشٸرۋ تۋرالى قالا ەكٸمدٸگٸنە بٸرنەشە رەت ٶتٸنٸش بەرگەن بولاتىن. ەندٸ تۇرعىندار ٶزدەرٸنٸڭ كٶپتەن كٷتكەن گازدارىنا قولدارى جەتٸپ, قۋانىشتارى قويىندارىنا سىيماي جٷر.
بٷگٸندە باس قالامىزدى گازداندىرۋدىڭ ماڭىزى زور. گازداندىرۋ ٸسٸ قالا تۇرعىندارىن تۇرمىسىن جاقسارتىپ قويمايدى, سونىمەن قاتار شاھارداعى ەكولوگييالىق احۋالدىڭ جاقسارۋىنا دا سەپتٸگٸن تيگٸزەدٸ. بۇل قالا تۇرعىندارى ٷشٸن ٶتە ماڭىزدى.
تابيعي گازدى پايدالانۋ تۇرعىنداردىڭ جىلۋ اقىسىن ايتىپ, سۇيىتىلعان مۇناي گازىمەن قامتاماسىز ەتۋدە تۋىنداعان پروبلەمالاردى بارىنشا شەشەدٸ.
بيىلعى كٷزدە «وڭتٷستٸك-شىعىس» گاز جىلۋ ستانتسيياسىنىڭ قۇرىلىسى, «تۇران» ستانتسيياسىنىڭ بٸرٸنشٸ كەزەگٸ, قۇرىلىسى ۇزاققا سوزىلعان جەو-3-تٸڭ بٸرٸنشٸ كەزەگٸ اياقتالدى. جىلۋمەن قامتيتىن ٷش نىساننىڭ قۋاتى – 1140 گكال/ساع. وسىلايشا, بيىلعى جىلىتۋ ماۋسىمىندا قالادا جىلۋ پروفيتسيتٸ بايقالادى.
كەلەسٸ جىلى بٸرٸنشٸ كەزەكتە «تەلمان» گاز جىلۋ ستانتسيياسىن جەنە ەكٸنشٸ كەزەكتە «تۇران» گاز جىلۋ ستانتسيياسىن پايدالانۋعا بەرۋ جوسپارلانىپ وتىر. بۇل قالانى تاعى 850 گكال/ساع جىلۋ قۋاتىمەن قامتاماسىز ەتۋگە مٷمكٸندٸك بەرەدٸ.
