الماتى وبلىس اكىمىنىڭ ورىنباسارى رۋستام الي مەن قالا اكىمى عالىمجان ءابدىرايىموۆ العاش بولىپ جاڭادان بوي كوتەرگەن «بەرەكە» تۇرعىن ءۇي الابىنا باردى. وندا 71 وتباسىنا ءۇيدىڭ كىلتىن تابىس ەتتى. تالاي جىلدان بەرى ءۇي كەزەگىندە تۇرعان جاندار وسىلايشا قۇتتى شاڭىراقتىڭ يەسى اتاندى.
كوپتەن كۇتكەن قۋانىش الەۋمەتتىك از قامتىلعان توپتاردىڭ وكىلدەرىنە، از قامتىلعان وتباسىلار مەن كوپ بالالى جانە جالعىز باستى انالارعا بۇيىردى.
قونىس تويىن تويلاۋشىلاردىڭ قاتارىندا 73 جاسقا تولعان كەيۋانا الەكەيەۆا رابيعا دا بار. كەيۋانا ءۇشىن بۇگىن قوس قۋانىش قاتار كەلدى. ويتكەنى رابيعا اپا كەزەكتى مۇشەلىنە اياق باسىپ وتىر. 11 بالانى تاربيەلەپ وسىرگەن التىن قۇراساقتى انا، 40 شاقتى نەمەرە، 10 شاقتى شوبەرەنىڭ اسىل اجەسى. ءبىر ۋالەتتىڭ قارا نارىنا اينالعان جاننىڭ مەملەكەت بيلىگىنە ايتار العىسى شەكسىز.
– جىلدار بويعى ارمانىمىز ورىندالدى. حالىقتىڭ جاعدايىن جاساپ جاتقان ەل بيلىگىنە راقمەت. الماتى وبلىسى اكىمى اماندىق باتالوۆقا انالىق العىسىمدى بىلدىرەمىن. ءبىز سياقتى سامايىنا اق تۇسكەن قارياسىن قۇرمەتتەگەن ەلىمنەن اينالدىم، – دەپ جۇرەك جاردى سوزدەرىن ارنادى.
باسپانا كىلتىن تابىستاۋ ءراسىمى ارى قاراي «كوكتەم» شاعىن اۋدانىندا جالعاسىن تاپتى. تۇرعىن ءۇي قۇرلىس جيناق بانكىنىڭ سالىمشىلارى اتالعان اۋدانداعى № 8 ۇيگە قونىستاندى. 60 پاتەردەن تۇراتىن كوپقاباتتى تۇرعىن ءۇيدىڭ اۋماعى 5،1 مىڭ شارشى مەتردى الىپ جاتىر. ەلدىڭ پاناسىنا اينالعان پاتەردىڭ قۇرىلىسىنا 500،8 ملن. تەڭگە قارجى جاراتىلعان. باس مەردىگەر «سۋرماك» ج ش س بولىپ تابىلادى.
قالا كۇنى شەڭبەرىندە ەل دەنساۋلىعىنىڭ ساقشىلارى، مەديسينا ماماندارى دا نازاردان تىس قالمادى. اتالعان سالانىڭ 16 قىزمەتكەرى دە سۋ جاڭا ۇيگە قول جەتكىزگەن جايى بار. عالىمجان رايىل ۇلى اق حالاتتى ابزال جاندارعا كىلتتى «سالتانات سارايىندا» وتكەن جيىندا تابىستادى. سونىمەن جالپى سانى 147 وتباسى مەركە اياسىندا ءۇيلى بولدى.
الماتى وبلىسىندا حالىقتى قولجەتىمدى تۇرعىن ۇيمەن قامتاماسىز ەتۋ ماسەلەسىنە ەرەكشە كوڭىل بولىنگەن.
بۇل ماقساتقا شامامەن 40 ميلليارد تەڭگە، ونىڭ ىشىندە رەسپۋبليكالىق بيۋدجەتتەن – 22،9 ميلليارد تەڭگە، جەرگىلىكتى بيۋدجەتتەن – 17 ميلليارد تەڭگە قاراستىرىلعان.
جالپى، اعىمداعى جىلى مەملەكەتتىك باعدارلامالار اياسىندا 3 مىڭعا جۋىق كەزەكتە تۇرعانداردى تۇرعىن ۇيمەن قامتاماسىز ەتۋ جوسپارلانۋدا.
– ءبىزدىڭ الەۋمەتتىك ساياساتىمىزدىڭ باستى باعىتىن جالعاستىرا وتىرىپ، تۇرعىن ءۇي ماسەلەسىن شەشۋ جولىندا مەديسينا قىزمەتكەرلەرىنە ارناپ اعىمداعى جىلى 127 پاتەر ساتىپ الىندى، جىل سوڭىنا دەيىن تالدىقورعاندا تاعى 64 مەديسينا قىزمەتكەرى تۇرعىن ءۇي الادى. ال كەلەسى جىلى ارنايى دارىگەرلەر ءۇشىن تالدىقورعان قالاسىندا 60 پاتەرلى تۇرعىن ءۇيدىڭ قۇرىلىسى جوسپارلانعان، – دەدى قالا اكىمى ءوز سوزىندە.
ايتا كەتۋ كەرەك، بۇل كۇنى تەك قونىس تويى عانا تويلانىپ قويماي 5 بىردەي ازامات «تالدىقورعان قالاسىنىڭ قۇرمەتتى ازاماتى» اتاعىن يەمدەندى.
اتاپ ايتساق، الماتى وبلىسى جانە قازاقستان رەسپۋبليكاسىنىڭ سپورت سالاسىندا ەڭبەگى سىڭگەن ازامات راحىمبەك تولەندىنوۆ، تالدىقورعان دراما تەاترى ءارتىسى ماكەن نۇرمۇحامبەتوۆا، تالدىقورعان وباعا قارسى كۇرەس ستانسياسى ديرەكتورىنىڭ ورىنباسارى ۆالەريي ساپوجنيكوۆ، زەينەتكەر حابدۋللا يبرايىمحانوۆ پەن "JLC ءسۇت" جاۋاپكەرشىلىگى شەكتەۋلى كاسىپورنىنىڭ ديرەكتورى ولگا بوگدانوۆا «تالدىقورعان قالاسىنىڭ قۇرمەتتى ازاماتى» اتاندى.
انار سابىروۆا، الماتى وبلىسى.
