بۇگىندە اعاش شپالداردى (0،39 كم جول بولىگىندە)، تەمىربەتون شپالداردى (548 دانا)، جاۋىن-شاشىن جيناقتاعىشىنىڭ بەتون پليتالارىن جانە باعىتتامالى بۇرمالاردى بولشەكتەۋ جۇرگىزىلدى، تەمىر جولدارمەن جانە جاۋىن سۋى جينالاتىن جەردىڭ استىنان سۋ اعاتىن ورىنداردى تىعىزداۋ بويىنشا جۇمىستار جۇرگىزىلدى، 3،6 گا اۋماق قۋراعان شوپتەردەن تازارتىلدى.
قالپىنا كەلتىرۋ جۇمىستارى اياسىندا تەمىربەتون جانە اعاش شپالداردى اۋىستىرۋ (2 700 دانا)، ۇزىندىعى 8،5 كم تەمىر جولداردى تەڭگەرىمدەۋ، باعىتتامالىق بۇرمالاردى جوندەۋ جانە ت.ب. قاراستىرىلعان. تەمىرجول ستانسياسىن ىسكە قوسۋ جۇمىستارىن اعىمداعى جىلدىڭ سوڭىنا دەيىن اياقتاۋ جوسپارلانۋدا.
جەكە تەمىرجول ستانسياسى يندۋستريالدى ايماق ينفراقۇرىلىمىنىڭ نەگىزگى وبەكتىسىنە اينالادى.
ءىرى لوگيستيكالىق ورتالىق – «بورالداي» تەمىرجول ستانسياسىنا شىعۋ ءۇشىن ونىڭ ۇزىندىعى 8 كم قۇرايدى.
يندۋستريالدى ايماقتىڭ رەزيدەنت كومپانيالارى تەمىر جولدارعا جاناسۋعا ءتيىستى تەحنيكالىق شارتتاردى الدى. تاسىمالداناتىن جۇكتەردىڭ كۇتىلەتىن كولەمى جىلىنا شامامەن 1،8 ملن توننانى قۇرايدى.
الماتىنىڭ يندۋستريالدى ايماعىنىڭ جالپى اۋدانى-490 گەكتار، ونىڭ 326 گەكتارى ينۆەستيسيالىق جوبالارعا، 164 گەكتارى ينفراقۇرىلىمعا بولىنگەن.
بۇگىندە الماتىنىڭ يندۋستريالدى ايماعىندا ينۆەستيسيا كولەمى 270 ملرد تەڭگەگە 70 كومپانيا تىركەلگەن. ولار جالپى قۇنى 120 ملرد تەڭگە بولاتىن 20 جوبانى ىسكە اسىردى.
