Búginde aǵash shpaldardy (0,39 km jol bóliginde), temirbeton shpaldardy (548 dana), jaýyn-shashyn jinaqtaǵyshynyń beton plitalaryn jáne baǵyttamaly burmalardy bólshekteý júrgizildi, temir joldarmen jáne jaýyn sýy jinalatyn jerdiń astynan sý aǵatyn oryndardy tyǵyzdaý boiynsha jumystar júrgizildi, 3,6 ga aýmaq qýraǵan shópterden tazartyldy.
Qalpyna keltirý jumystary aiasynda temirbeton jáne aǵash shpaldardy aýystyrý (2 700 dana), uzyndyǵy 8,5 km temir joldardy teńgerimdeý, baǵyttamalyq burmalardy jóndeý jáne t.b. qarastyrylǵan. Temirjol stantsiiasyn iske qosý jumystaryn aǵymdaǵy jyldyń sońyna deiin aiaqtaý josparlanýda.
Jeke temirjol stantsiiasy indýstrialdy aimaq infraqurylymynyń negizgi obektisine ainalady.
Iri logistikalyq ortalyq – «Boraldai» temirjol stantsiiasyna shyǵý úshin onyń uzyndyǵy 8 km quraidy.
Indýstrialdy aimaqtyń rezident kompaniialary temir joldarǵa janasýǵa tiisti tehnikalyq sharttardy aldy. Tasymaldanatyn júkterdiń kútiletin kólemi jylyna shamamen 1,8 mln tonnany quraidy.
Almatynyń indýstrialdy aimaǵynyń jalpy aýdany-490 gektar, onyń 326 gektary investitsiialyq jobalarǵa, 164 gektary infraqurylymǵa bólingen.
Búginde Almatynyń indýstrialdy aimaǵynda investitsiia kólemi 270 mlrd teńgege 70 kompaniia tirkelgen. Olar jalpy quny 120 mlrd teńge bolatyn 20 jobany iske asyrdy.
