«كسەلل» الماتى مەتروپوليتەن ستانسياسىن 5G، 4G جانە 3G تەحنولوگيالارى بويىنشا بايلانىسپەن قامتۋدى بەلسەندى جالعاستىرۋدا، دەپ حابارلايدى Dalanews.kz.
بۇگىنگى تاڭدا كومپانيا 11 ستانسيانىڭ جەتەۋىن بايلانىسقا قوستى، ءقازىر قالعان ستانسيالاردا جەلىلىك ينفراقۇرىلىمنىڭ قۇرىلىسى جۇرگىزىلۋدە. وڭتۇستىك استانانىڭ تۇرعىندارى مەن قوناقتارى بۇگىندە رايىمبەك، جىبەك جولى، المالى، اباي، م.اۋەزوۆ بايقوڭىر جانە الاتاۋ ستانسيالارىندا بارلىق تەلەكوم-قىزمەتتەردى جانە سيفرلىق سەرۆيستەردى پايدالانا الادى.
ەستەرىڭىزگە سالا كەتەيىك، قازان ايىنىڭ باسىندا «كسەلل» ءبىرىنشى بولىپ مەترونىڭ جىبەك جولى ستانسياسىندا جاڭا تەحنولوگيا بويىنشا ينتەرنەتتى ىسكە قوستى، ەكىنشىسى رايىمبەك ستانسياسى بولدى. مىنە، ەكءى ايدىڭ ىشىندە كومپانيا الماتى مەتروسىنىڭ تاعى 5 ستانسياسىنا بازالىق ستانسيالاردى ورناتۋعا مۇمكىندىك الدى. كەزەكتە سايران جانە ماسكەۋ ستانسيالارى تۇر، مۇندا دا جاقىن ارادا ينتەرنەت قىزمەتى ىسكە قوسىلادى. مەتروپوليتەندە بارلىعى 11 ستانسيا بار جانە ولاردىڭ ءارقايسىسىن وپەراتور تەك 5G تەحنولوگياسى بويىنشا عانا ەمەس، سونداي-اق، 4G جانە 3G تەحنولوگياسى بويىنشا دا بايلانىسپەن جانە ينتەرنەتپەن قامتاماسىز ەتۋگە نيەتتى. ەڭ باستىسى، سەرىكتەستەر جەر استىندا «ترانسپورتتىق ورتانى» قامتاماسىز ەتسە بولعانى.
«ءبىز كەزەڭ-كەزەڭمەن مارەگە جاقىنداپ كەلەمىز – ءبىزدىڭ ماقساتىمىز بارلىق مەترو ستانسيالارىن ءموبيلدى بايلانىسپەن جانە ينتەرنەتپەن قامتاماسىز ەتۋ. ءقازىر 7 ستانسيادا بارلىق قۇرىلىس پروسەستەرىن اياقتادىق، تاعى ەكەۋىندە بەلسەندى دايىندىق جانە ينستاللياسيالىق جۇمىستار ءجۇرىپ جاتىر جانە جاقىن ارادا ءبىز ولاردى قوسۋدى جوسپارلاپ وتىرمىز. ءبىز ءۇشىن بۇل جوبا جاڭا سىن-تەگەۋرىن جانە كاسىبيلىگىمىزدى تەكسەرۋگە جاقسى مۇمكىندىك بولدى، ويتكەنى بارلىق جۇمىستاردى مەترو ستانسيالارىنداعى جۇمىستار، بارلىق قوزعالىس توقتاتىلعان كەزدە عانا، ياعني تۇندە ورىنداۋعا تۋرا كەلەدى. ونىڭ ۇستىنە ءبىزدىڭ ماماندار كومانداسى بىرنەشە ساعات بويى جەر استىندا قولايسىز جاعدايدا جۇمىس ءىستەپ كەلەدءى»، - دەيدى «كسەلل» اق 5G جوباسىنىڭ ديرەكتورى ماگومەتگيرەي كاتييەۆ.
«بۇگىندە «كسەلل» كومپانياسى ءوزىنىڭ بازالىق ستانسيالارىن ورناتۋ جۇمىستارىن جۇرگىزۋدە. الداعى ۋاقىتتا مەتروپوليتەن ماماندارى بارلىق ۇيالى بايلانىس وپەراتورلارىن تارتۋدى جوسپارلاپ وتىر. ءبىز قازىرگى زاماندا بايلانىستا بولۋدىڭ قانشالىقتى ماڭىزدى ەكەنىن تۇسىنەمىز جانە جولاۋشىلارىمىزعا ساپارلارىن قولايلى ءارى تەحنولوگيالىق ەتەتىن زاماناۋي قىزمەتتەردى ۇسىنۋ ءۇشىن قولدان كەلگەننىڭ ءبارىن جاسايمىز»، - دەپ حابارلادى مەتروپوليتەننىڭ باسپا ءسوز قىزمەتى.
بۇرىن مەترو جولاۋشىلارى ستانسياعا تۇسكەن ساتتەن باستاپ جەر بەتىنە شىققانعا دەيىن ءموبيلدى جەلىنىڭ كىرۋ ايماعىنان تىس قالاتىن. جاعدايدى «كسەلل» وزگەرتءتى جانە بيىلعى جىلدىڭ كۇزىنەن باستاپ جەر استىنداعى جەلىلىك ينفراقۇرىلىم قۇرىلىسى بويىنشا جۇمىستاردى باستادى. ەندى كومپانيا مەترو جولاۋشىلارىن تۋننەلدە دە بايلانىسپەن قامتاماسىز ەتۋ مۇمكىندىگىن پىسىقتاپ جاتىر.
«بازالىق ستانسيالاردى ورناتقاننان كەيىن ءبىزدىڭ ماماندار سيگنالدىڭ ساپاسىن جانە جەلىنىڭ وتكىزۋ قابىلەتىن تەكسەردى، ول 4G تەحنولوگياسى بويىنشا ورتاشا ەسەپپەن - 100 مبيت/س، ال 5G تەحنولوگياسى بويىنشا 1000 مبيت/س قۇرايدى. جالپى، وزدەرىڭىز بىلەتىندەي، ءبىز بايلانىستىڭ جاڭا بۋىنىن ورىستەتۋدى وتكەن جىلى باستادىق جانە بۇگىندە ەلىمىزدە 1172-دەن استام 5G بازالىق ستانسياسى ورناتىلدى، ونىڭ ۇستىنە كوپتەگەن وڭىرلەردە جۇمىستار كەستە مەن ليسەنزيالىق مىندەتتەمەلەردەن وزا جۇرگىزىلۋدە. الماتى مەتروپوليتەنىنە كەلەتىن بولساق، بۇل وڭتۇستىك استاناداعى ترافيگى ەڭ تىعىز ورىنداردىڭ ءبىرى جانە ءبىز ءۇشىن جولاۋشىلاردى جەر استىنداعى بايلانىسپەن جانە ينتەرنەتپەن قامتاماسىز ەتۋ وتە ماڭىزدى»، - دەپ اتاپ ءوتتى «كسەلل» اق باسقارما ءتوراعاسى اسقار جامباكين.
ايتا كەتەيىك، تاۋلىگىنە «جەراستى» پويىزدارى 100 مىڭعا دەيىن ادامدى تاسىمالدايدى، جولاۋشىلار اعىنى جىلىنا شامامەن 25 ميلليون ادامدى قۇرايدى، ولار ەندى «جەلىنىڭ ارەكەت ەتۋ ايماعىنان تىس» قالمايدى جانە ءوز قۇرامىن كۇتىپ، بارلىق تەلەكوم-قىزمەتتەر مەن سەرۆيستەردى پايدالانا الادى. بولاشاقتا الماتىدا تاعى 4 جاڭا ستانسيانى ىسكە قوسۋ جوسپارلانىپ وتىرعانى بەلگىلى، مۇندا «كسەلل» ءتۇرلى تەحنولوگيالارداعى ۇيالى بايلانىستى ورناتپاق.
