«Ksell» Almaty metropoliten stantsiiasyn 5G, 4G jáne 3G tehnologiialary boiynsha bailanyspen qamtýdy belsendi jalǵastyrýda, dep habarlaidy Dalanews.kz.
Búgingi tańda kompaniia 11 stantsiianyń jeteýin bailanysqa qosty, qazir qalǵan stantsiialarda jelilik infraqurylymnyń qurylysy júrgizilýde. Ońtústik astananyń turǵyndary men qonaqtary búginde Raiymbek, Jibek joly, Almaly, Abai, M.Áýezov Baiqońyr jáne Alataý stantsiialarynda barlyq telekom-qyzmetterdi jáne tsifrlyq servisterdi paidalana alady.
Esterińizge sala keteiik, qazan aiynyń basynda «Ksell» birinshi bolyp metronyń Jibek Joly stantsiiasynda jańa tehnologiia boiynsha internetti iske qosty, ekinshisi Raiymbek stantsiiasy boldy. Mine, eki aidyń ishinde kompaniia Almaty metrosynyń taǵy 5 stantsiiasyna bazalyq stantsiialardy ornatýǵa múmkindik aldy. Kezekte Sairan jáne Máskeý stantsiialary tur, munda da jaqyn arada internet qyzmeti iske qosylady. Metropolitende barlyǵy 11 stantsiia bar jáne olardyń árqaisysyn operator tek 5G tehnologiiasy boiynsha ǵana emes, sondai-aq, 4G jáne 3G tehnologiiasy boiynsha da bailanyspen jáne internetpen qamtamasyz etýge nietti. Eń bastysy, seriktester jer astynda «transporttyq ortany» qamtamasyz etse bolǵany.
«Biz kezeń-kezeńmen márege jaqyndap kelemiz – bizdiń maqsatymyz barlyq metro stantsiialaryn mobildi bailanyspen jáne internetpen qamtamasyz etý. Qazir 7 stantsiiada barlyq qurylys protsesterin aiaqtadyq, taǵy ekeýinde belsendi daiyndyq jáne installiatsiialyq jumystar júrip jatyr jáne jaqyn arada biz olardy qosýdy josparlap otyrmyz. Biz úshin bul joba jańa syn-tegeýrin jáne kásibiligimizdi tekserýge jaqsy múmkindik boldy, óitkeni barlyq jumystardy metro stantsiialaryndaǵy jumystar, barlyq qozǵalys toqtatylǵan kezde ǵana, iaǵni túnde oryndaýǵa týra keledi. Onyń ústine bizdiń mamandar komandasy birneshe saǵat boiy jer astynda qolaisyz jaǵdaida jumys istep keledi», - deidi «Ksell» AQ 5G jobasynyń direktory Magometgirei Katiev.
«Búginde «Ksell» kompaniiasy óziniń bazalyq stantsiialaryn ornatý jumystaryn júrgizýde. Aldaǵy ýaqytta metropoliten mamandary barlyq uialy bailanys operatorlaryn tartýdy josparlap otyr. Biz qazirgi zamanda bailanysta bolýdyń qanshalyqty mańyzdy ekenin túsinemiz jáne jolaýshylarymyzǵa saparlaryn qolaily ári tehnologiialyq etetin zamanaýi qyzmetterdi usyný úshin qoldan kelgenniń bárin jasaimyz», - dep habarlady metropolitenniń baspasóz qyzmeti.
Buryn metro jolaýshylary stantsiiaǵa túsken sátten bastap jer betine shyqqanǵa deiin mobildi jeliniń kirý aimaǵynan tys qalatyn. Jaǵdaidy «Ksell» ózgertti jáne biylǵy jyldyń kúzinen bastap jer astyndaǵy jelilik infraqurylym qurylysy boiynsha jumystardy bastady. Endi kompaniia metro jolaýshylaryn týnnelde de bailanyspen qamtamasyz etý múmkindigin pysyqtap jatyr.
«Bazalyq stantsiialardy ornatqannan keiin bizdiń mamandar signaldyń sapasyn jáne jeliniń ótkizý qabiletin tekserdi, ol 4G tehnologiiasy boiynsha ortasha eseppen - 100 Mbit/s, al 5G tehnologiiasy boiynsha 1000 Mbit/s quraidy. Jalpy, ózderińiz biletindei, biz bailanystyń jańa býynyn óristetýdi ótken jyly bastadyq jáne búginde elimizde 1172-den astam 5G bazalyq stantsiiasy ornatyldy, onyń ústine kóptegen óńirlerde jumystar keste men litsenziialyq mindettemelerden oza júrgizilýde. Almaty metropolitenine keletin bolsaq, bul ońtústik astanadaǵy trafigi eń tyǵyz oryndardyń biri jáne biz úshin jolaýshylardy jer astyndaǵy bailanyspen jáne internetpen qamtamasyz etý óte mańyzdy», - dep atap ótti «Ksell» AQ Basqarma tóraǵasy Asqar Jambakin.
Aita keteiik, táýligine «jerasty» poiyzdary 100 myńǵa deiin adamdy tasymaldaidy, jolaýshylar aǵyny jylyna shamamen 25 million adamdy quraidy, olar endi «jeliniń áreket etý aimaǵynan tys» qalmaidy jáne óz quramyn kútip, barlyq telekom-qyzmetter men servisterdi paidalana alady. Bolashaqta Almatyda taǵy 4 jańa stantsiiany iske qosý josparlanyp otyrǵany belgili, munda «Ksell» túrli tehnologiialardaǵy uialy bailanysty ornatpaq.
