مۇنايلى اۋدانى بەسشوقى اۋىلىندا وقۋشىلارعا تاماق دايىنداعان تٶرت مەكتەپ اسحاناسىنىڭ قىزمەتكەرٸ مەديتسينالىق تەكسەرۋدەن ٶتپەي جۇمىس ٸستەگەن, دەپ حابارلايدى Dalanews.kz.
سوتتا ولاردىڭ مەديتسينالىق تەكسەرۋدەن ٶتكەنٸن راستايتىن جالعان انىقتامانى 5000 تەڭگەگە ساتىپ العانى بەلگٸلٸ بولدى. جالعان قۇجاتتا قىزمەتكەرلەردٸڭ مەديتسينالىق تەكسەرۋدەن, فليۋوروگرافييادان, دەرماتولوگييالىق تەكسەرۋدەن, باكتەريولوگييالىق زەرتتەۋدەن ٶتكەنٸ جەنە جۇمىسقا جٸبەرٸلگەنٸ جازىلعان.
“تٶرت ازاماتقا قاتىستى سوت ٷكٸمٸ جەلتوقسان ايىندا شىقتى. ولاردىڭ بٸرٸنە 40 ايلىق ەسەپتٸك كٶرسەتكٸش مٶلشەرٸندە ايىپپۇل سالىنسا, قالعان ٷشەۋٸنە 20 ايلىق ەسەپتٸك كٶرسەتكٸش كٶلەمٸندە ايىپپۇل تاعايىندالدى. سوت ٷكٸمٸ زاڭدى كٷشٸنە ەندٸ”, – دەدٸ مۇنايلى اۋداندىق سوتىنىڭ تٶراعاسى ەرسٸن قازيەۆ.
ياعني, سوتتالعانداردىڭ بٸرٸنە 148 مىڭ تەڭگە, ال قالعان ٷشەۋٸنە 74 مىڭ تەڭگە كٶلەمٸندە ايىپپۇل سالىنعان.
ايتا كەتەيٸك, وقيعا ٶتكەن جىلى 6 قىركٷيەكتە بەسشوقى اۋىلىندا ورىن العان. مەكتەپ اسحاناسىندا تٷستەنگەننەن كەيٸن وقۋشىلاردىڭ دەنساۋلىعى ناشارلاپ, مەديتسينالىق كٶمەككە جٷگٸنۋگە مەجبٷر بولدى. نەتيجەسٸندە 460 وقۋشى اۋرۋحاناعا جاتقىزىلدى. بارلىعىنا “ازىق-تٷلٸكتەن ۋلانۋ” دياگنوزى قويىلدى.
