42500.enbek.kz پورتالى ارقىلى بٸر ۋاقىتتا ٶتٸنٸمدەردٸ 75 مىڭعا دەيٸن ازامات بەرە الادى.
بۇعان دەيٸن حابارلانعانداي, ازاماتتارعا ىڭعايلى بولۋ ٷشٸن ٶتٸنٸمدەردٸ قابىلداۋ كەزەڭ-كەزەڭمەن جٷزەگە اسىرىلاتىن بولادى.
16 شٸلدەدەن باستاپ بٸرىڭعاي جيىنتىق تٶلەمدٸ تٶلەۋشٸلەر بولىپ تابىلاتىن ادامدار ٷشٸن sms-حابارلامالاردى جٸبەرۋ ارقىلى بٸرجولعى تٶلەمدٸ تاعايىنداۋ بويىنشا پرواكتيۆتٸ قىزمەت كٶرسەتۋ جٷزەگە اسىرىلادى.
وسى ساناتتاعى, پرواكتيۆتٸ قىزمەتتٸ پايدالانباعان ازاماتتار ٷشٸن ٶتٸنٸمدەردٸ قابىلداۋ پرواكتيۆتٸ قىزمەتتٸ كٶرسەتۋ اياقتالعاننان كەيٸن جٷزەگە اسىرىلادى.
17 شٸلدەدە جەكە كەسٸپكەرلەردەن, ازاماتتىق-قۇقىقتىق سيپاتتاعى شارتتار بويىنشا تابىس الاتىن ادامداردان جەنە جەكە پراكتيكامەن اينالىساتىن ادامداردان ٶتٸنٸمدەر قابىلداۋ باستالدى.
ٶز قىزمەتكەرلەرٸنە ٶتٸنٸم بەرەتٸن جۇمىس بەرۋشٸلەر (زاڭدى جەنە جەكە تۇلعالار) ٷشٸن ٶتٸنٸمدەردٸ قابىلداۋ 19 شٸلدەدەن باستالادى.
ەستەرٸڭٸزگە سالا كەتەيٸك, 700 مىڭ قازاقستاندىق «42 500 تەڭگە» تٶلەمٸن پرواكتيۆتٸ تٷردە تاعايىنداۋ ٷشٸن SMS-حابارلاما العان بولاتىن.
كەلەسٸ ارنالاردى پايدالانا وتىرىپ, ٶتٸنٸش بەرۋگە بولادى:
- egov.kz – «ەلەكتروندىق ٷكٸمەت» ۆەب-پورتالى;
- 42500.enbek.kz پورتالى;
- telegram-bot-تار;
- Aitu مەسسەندجەرٸندەگٸ 42500.enbek.kz قوسىمشاسى;
- ەكٸنشٸ دەڭگەيدەگٸ بانكتەردٸڭ موبيلدٸ قوسىمشالارى مەن ينتەرنەت-رەسۋرستارى.
ٶتٸنٸمدەردٸ قابىلداۋ 2020 جىلدىڭ 1 قىركٷيەگٸنە دەيٸن جالعاسادى.
