«بالانى مەكتەپكە دايارلايىق!» اكتسيياسى پارتييالىق «باقىتتى وتباسى» جوباسى اياسىندا دەستٷرلٸ تٷردە ٶتكٸزٸلەدٸ. ونىڭ باستى ماقساتى – كٶپ بالالى جەنە از قامتىلعان وتباسىلارعا بالالارىن 1 قىركٷيەككە دەيٸن مەكتەپكە دايىنداۋعا كٶمەكتەسۋ.
اكتسيياعا پارتييانىڭ ورتالىق اپپاراتى مەن ايماقتىق فيليالدارىنىڭ قىزمەتكەرلەرٸ, پارتييا دەپۋتاتتارى, باستاۋىش پارتييا ۇيىمدارىنىڭ مٷشەلەرٸ جەنە قاراپايىم ازاماتتار قاتىسادى. ەل اۋماعىنداعى 30 مىڭنان استام بالا اماناتتىقتاردان جاڭا وقۋ جىلىنا ارنالعان جيىنتىقتار الادى دەپ جوسپارلانىپ وتىر. ياعني, ولارعا مەكتەپ فورماسى, وقۋلىقتار مەن كەڭسە تاۋارلارى سالىنعان ريۋكزاكتار ۇسىنىلادى.
«بالالار تەز ٶسەدٸ عوي. جىل ٶتكەن سايىن ولاردى جاڭا وقۋ جىلىنا دايىنداۋ قيىنعا سوعىپ بارادى. ٶتكەن اپتادا پارتيياعا جٷگٸنگەن بولاتىنمىن. بٷگٸن قاجەت زاتتىڭ بەرٸن الىپ كەلدٸ», – دەدٸ كٶپ بالالى انا ۆالەنتينا گريگورەۆا.
ال ٶسكەمەندە اماناتتىقتار مٷشەلباەۆتار وتباسىنا باردى. ەربول جەنە ەسەل ەسٸمدٸ ەرلٸ-زايىپتىلار تٶرت بالا تەربيەلەپ وتىر. سوندىقتان جاڭا وقۋ جىلى قارساڭىندا پارتييا كٶمەگٸ ۋاقتىلى قولداۋ بولدى.
«كٶپ بالالى وتباسىلار ٷشٸن بالاقايلاردى جاڭا وقۋ جىلىنا دايىنداۋ – ٷلكەن جٷكتەمە. پارتييانىڭ مۇنداي باستاماسى بٸز ٷشٸن قوماقتى قولداۋ», – دەدٸ كٶپ بالالى انا ەسەل مٷشەلباەۆا.
