«Balany mektepke daıarlaıyq!» aksıasy partıalyq «Baqytty otbasy» jobasy aıasynda dástúrli túrde ótkiziledi. Onyń basty maqsaty – kóp balaly jáne az qamtylǵan otbasylarǵa balalaryn 1 qyrkúıekke deıin mektepke daıyndaýǵa kómektesý.
Aksıaǵa partıanyń Ortalyq apparaty men aımaqtyq fılıaldarynyń qyzmetkerleri, partıa depýtattary, bastaýysh partıa uıymdarynyń músheleri jáne qarapaıym azamattar qatysady. El aýmaǵyndaǵy 30 myńnan astam bala amanattyqtardan jańa oqý jylyna arnalǵan jıyntyqtar alady dep josparlanyp otyr. Iaǵnı, olarǵa mektep formasy, oqýlyqtar men keńse taýarlary salynǵan rúkzaktar usynylady.
Máselen, búgin Pavlodarda partıalyqtar alty balany jalǵyz ózi tárbıelep otyrǵan Valentına Grıgorevanyń shańyraǵyna bardy.
«Balalar tez ósedi ǵoı. Jyl ótken saıyn olardy jańa oqý jylyna daıyndaý qıynǵa soǵyp barady. Ótken aptada partıaǵa júgingen bolatynmyn. Búgin qajet zattyń bárin alyp keldi», – dedi kóp balaly ana Valentına Grıgoreva.
Al Óskemende amanattyqtar Múshelbaevtar otbasyna bardy. Erbol jáne Ásel esimdi erli-zaıyptylar tórt bala tárbıelep otyr. Sondyqtan jańa oqý jyly qarsańynda partıa kómegi ýaqtyly qoldaý boldy.
«Kóp balaly otbasylar úshin balaqaılardy jańa oqý jylyna daıyndaý – úlken júkteme. Partıanyń mundaı bastamasy biz úshin qomaqty qoldaý», – dedi kóp balaly ana Ásel Múshelbaeva.
