15 ساۋىردەگى ساعات 15:00-دەگى جاعداي بويىنشا تج كەزەڭىندە تابىسىنان ايىرىلۋىنا بايلانىستى الەۋمەتتىك تولەم تاعايىنداۋ ءۇشىن 5 ملن 334 مىڭ 224 ازاماتتان بارلىعى 6 ملن 837 مىڭ 393 ءوتىنىش كەلىپ ءتۇستى.
وسىلايشا، 1 ملن 503 مىڭ 169 قايتالاناتىن ءوتىنىم تىركەلدى.
بىرەگەي وتىنىشتەردىڭ ەڭ كوپ سانى:
- الماتى وبلىسى – 667 116؛
- الماتى ق. – 651 903؛
- تۇركىستان وبلىسى – 631 598؛
- نۇر-سۇلتان ق. – 418 768؛
- شىمكەنت ق. – 339 709.
وڭىرلەر بويىنشا كەلەسى وبلىستاردىڭ تۇرعىندارىنا جاردەماقى ەڭ كوپ تاعايىندالعان:
- الماتى وبلىسى – 411 573؛
- تۇركىستان وبلىسى – 300 996؛
- الماتى ق. – 291 439؛
دەرەكتەردى تەكسەرۋ جانە ءوتىنىشتى قاراۋ مەرزىمى 3 جۇمىس كۇنىن قۇرايدى. وتىنىشتەردى قاراۋ مەرزىمدەرىنىڭ ۇلعايۋىنا جول بەرمەۋ ماقساتىندا ازاماتتاردان ءوتىنىشتى ءبىر رەت بەرۋلەرىڭىزدى سۇرايمىز.
ءماسق-تا تولەم جاساۋ تۋرالى شەشىم قابىلدانعاننان كەيىن ءوتىنىش بەرۋشىگە SMS-حابارلاما كەلەدى. كەيىننەن ءوتىنىش بەرۋشىنىڭ دەرەكتەرى «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-عا جىبەرىلەدى، ول ونى ەكىنشى دەڭگەيدەگى بانكتەرگە تولەم جۇرگىزۋ ءۇشىن جىبەرەدى.
الەۋمەتتىك تولەم الۋعا ءوتىنىمدى eGov پورتالى، 42500.enbek.kz ۆەب-سايتى جانە https://t.me/Help42500Bot ادرەسى بويىنشا Telegram-بوت ارقىلى بەرۋگە بولادى.
ەستەرىڭىزگە سالا كەتەيىك، قولدانىستاعى قاعيدالارعا سايكەس تج كەزەڭىندە قىزمەتتىڭ شەكتەلۋىنە بايلانىستى تابىسىنان ايىرىلعان جاعدايدا ءبىر ادامعا ءماسق-تان ايىنا 42 500 تەڭگە مولشەرىندە بەرىلەتىن الەۋمەتتىك تولەم كەلەسى ساناتتارعا:
–شاعىن جانە ورتا كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە؛
– كارانتين ەنگىزىلگەن ەلدى مەكەندەردە قىزمەتىن جۇزەگە اسىراتىن ءىرى كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە؛
– مەملەكەتتىك مەكەمەلەردى قوسپاعاندا، كوممەرسيالىق ەمەس زاڭدى تۇلعالاردىڭ جالاقىسى ساقتالمايتىن دەمالىستاعى قىزمەتكەرلەرىنە؛
– جەكە كاسىپكەرلەرگە؛
– جەكە پراكتيكامەن اينالىساتىن ادامدارعا (نوتاريۋس، جەكە سوت ورىنداۋشىسى، ادۆوكات، كاسىبي مەدياتور)؛
– ءبىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالارعا؛
– نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدارعا جۇزەگە اسىرىلادى.
