2,7 millionnan astam adamǵa tólemder taǵaiyndaldy
15 sáýirdegi saǵat 15:00-degi jaǵdai boiynsha TJ kezeńinde tabysynan aiyrylýyna bailanysty áleýmettik tólem taǵaiyndaý úshin 5 mln 334 myń 224 azamattan barlyǵy 6 mln 837 myń 393 ótinish kelip tústi.
Osylaisha, 1 mln 503 myń 169 qaitalanatyn ótinim tirkeldi.
Biregei ótinishterdiń eń kóp sany:
- Almaty oblysy – 667 116;
- Almaty q. – 651 903;
- Túrkistan oblysy – 631 598;
- Nur-Sultan q. – 418 768;
- Shymkent q. – 339 709.
Óńirler boiynsha kelesi oblystardyń turǵyndaryna járdemaqy eń kóp taǵaiyndalǵan:
- Almaty oblysy – 411 573;
- Túrkistan oblysy – 300 996;
- Almaty q. – 291 439;
Derekterdi tekserý jáne ótinishti qaraý merzimi 3 jumys kúnin quraidy. Ótinishterdi qaraý merzimderiniń ulǵaiýyna jol bermeý maqsatynda azamattardan ótinishti bir ret berýlerińizdi suraimyz.
MÁSQ-ta tólem jasaý týraly sheshim qabyldanǵannan keiin ótinish berýshige SMS-habarlama keledi. Keiinnen ótinish berýshiniń derekteri «Azamattarǵa arnalǵan úkimet» memlekettik korporatsiiasy» KEAQ-ǵa jiberiledi, ol ony ekinshi deńgeidegi bankterge tólem júrgizý úshin jiberedi.
Áleýmettik tólem alýǵa ótinimdi eGov portaly, 42500.enbek.kz veb-saity jáne https://t.me/Help42500Bot adresi boiynsha Telegram-bot arqyly berýge bolady.
Esterińizge sala keteiik, qoldanystaǵy Qaǵidalarǵa sáikes TJ kezeńinde qyzmettiń shektelýine bailanysty tabysynan aiyrylǵan jaǵdaida bir adamǵa MÁSQ-tan aiyna 42 500 teńge mólsherinde beriletin áleýmettik tólem kelesi sanattarǵa:
–shaǵyn jáne orta kásipkerlik sýbektileriniń jalaqysy saqtalmaityn demalystaǵy qyzmetkerlerine;
– karantin engizilgen eldi mekenderde qyzmetin júzege asyratyn iri kásipkerlik sýbektileriniń jalaqysy saqtalmaityn demalystaǵy qyzmetkerlerine;
– memlekettik mekemelerdi qospaǵanda, kommertsiialyq emes zańdy tulǵalardyń jalaqysy saqtalmaityn demalystaǵy qyzmetkerlerine;
– jeke kásipkerlerge;
– jeke praktikamen ainalysatyn adamdarǵa (notariýs, jeke sot oryndaýshysy, advokat, kásibi mediator);
– biryńǵai jiyntyq tólemdi tóleýshiler bolyp tabylatyn jeke tulǵalarǵa;
– nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sipattaǵy sharttar boiynsha tabys tabatyn, salyq agentteri olar úshin mindetti zeinetaqy jarnalaryn aýdarǵan adamdarǵa júzege asyrylady.
