ٷكٸمەت وتىرىسىندا كەسٸپكەرلٸكتٸ قولداۋ ماقساتىندا "بەيتەرەك" حولدينگٸنە بٶلٸنگەن ينۆەستيتسييالىق جوبالار اياسىنداعى قارجى يگەرٸلۋٸنٸڭ نەتيجەسٸ قارالدى. جيىنعا پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين تٶراعالىق ەتتٸ, دەپ حابارلايدى Dalanews.kz.
بۇعان دەيٸن ٷكٸمەت "بەيتەرەك" حولدينگٸنٸڭ كاپيتالىن 1 ترلن تەڭگەگە ۇلعايتقان ەدٸ. بۇل قاراجات حولدينگكە بيىلعى جىلى جالپى سوماسى 8 ترلن تەڭگەگە دەيٸنگٸ جوبالاردى قارجىلاندىرۋعا مٷمكٸندٸك بەرەدٸ.
وتىرىستا جۇمانعارين ٸشكٸ نارىقتا سۇرانىسقا يە, قىمبات يمپورتتىق ٶنٸمدەردٸ الماستىرا الاتىن تاۋارلاردى ٶندٸرۋگە باعىتتالعان "قاراپايىم زاتتار ەكونوميكاسى" باعدارلاماسى اياسىنداعى جوبالاردىڭ جەتكٸلٸكسٸزدٸگٸنە توقتالدى.
"بٸز ناقتى سەكتوردى قولداۋ باعدارلاماسىن قولعا العاندا, ٸرٸ جوبالارمەن قاتار, ۇلتتىق ەكونوميكا مينيسترلٸگٸ تاراپىنان شاعىن جەنە ورتا بيزنەسكە ارنالعان ينۆەستيتسييالىق جوبالار بويىنشا – تۇرمىستىق حيمييا, گيگيەنالىق زاتتار, ٸرٸمشٸك, كونسەرۆٸ, شۇجىق جەنە حالىق اراسىندا سۇرانىسقا يە ٶزگە دە ٶنٸمدەردٸ ٶندٸرۋگە باستاما جاساعان ەدٸك.
قازٸر قۇس ەتٸ ٶندٸرٸسٸ جاقسى قارقىنمەن دامىپ كەلەدٸ – جىل سوڭىنا دەيٸن ٸشكٸ تۇتىنۋ كٶلەمٸن تولىق قامتاماسىز ەتۋٸمٸز تيٸس. الايدا يمپورتتىڭ ٷلەسٸ جوعارى قالعان سالالاردا دا وتاندىق ٶندٸرۋشٸلەردٸ تاۋىپ, ولاردى قولداۋ قاجەت", – دەدٸ جۇمانعارين.
