Úkimet otyrysynda kásipkerlikti qoldaý maqsatynda "Báiterek" holdingine bólingen investitsiialyq jobalar aiasyndaǵy qarjy igerilýiniń nátijesi qaraldy. Jiynǵa Premer-ministrdiń orynbasary – Ulttyq ekonomika ministri Serik Jumanǵarin tóraǵalyq etti, dep habarlaidy Dalanews.kz.
Buǵan deiin Úkimet "Báiterek" holdinginiń kapitalyn 1 trln teńgege ulǵaitqan edi. Bul qarajat holdingke biylǵy jyly jalpy somasy 8 trln teńgege deiingi jobalardy qarjylandyrýǵa múmkindik beredi.
Otyrysta Jumanǵarin ishki naryqta suranysqa ie, qymbat importtyq ónimderdi almastyra alatyn taýarlardy óndirýge baǵyttalǵan "Qarapaiym zattar ekonomikasy" baǵdarlamasy aiasyndaǵy jobalardyń jetkiliksizdigine toqtaldy.
"Biz naqty sektordy qoldaý baǵdarlamasyn qolǵa alǵanda, iri jobalarmen qatar, Ulttyq ekonomika ministrligi tarapynan shaǵyn jáne orta bizneske arnalǵan investitsiialyq jobalar boiynsha – turmystyq himiia, gigienalyq zattar, irimshik, konservi, shujyq jáne halyq arasynda suranysqa ie ózge de ónimderdi óndirýge bastama jasaǵan edik.
Qazir qus eti óndirisi jaqsy qarqynmen damyp keledi – jyl sońyna deiin ishki tutyný kólemin tolyq qamtamasyz etýimiz tiis. Alaida importtyń úlesi joǵary qalǵan salalarda da otandyq óndirýshilerdi taýyp, olardy qoldaý qajet", – dedi Jumanǵarin.
