شىعىستا ەلەكتر ەنەرگياسىنا قاتىستى سحەما اشكەرە بولدى، - دەپ حابارلايدى Dalanews.kz.
قما شىعىس قازاقستان وبلىسى بويىنشا دەپارتامەنتى 9 ملرد تەڭگەدەن اسا سوماعا ەلەكتر ەنەرگياسىن زاڭسىز ساتۋ دەرەگىن انىقتادى.
قولدانىستاعى زاڭناماعا سايكەس ماينينگ كاسىپورىندارىنا ەلەكتر ەنەرگياسى تەك ءبىرىڭعاي مەملەكەتتىك ساتىپ الۋشى ارقىلى جانە 1 مەگاۆاتت-ساعاتتان اسپايتىن كولەمدە عانا ساتىلۋعا ءتيىس.
الايدا ەنەرگيامەن جابدىقتاۋشى ءبىرقاتار كومپانيا ەكى جىل قاتارىنان حالىققا، الەۋمەتتىك نىساندار مەن ستراتەگيالىق ماڭىزى بار كاسىپورىندارعا ارنالعان ەلەكتر ەنەرگياسىمەن ماينينگ كاسىپورىندارىن زاڭسىز تۇردە قامتاماسىز ەتىپ كەلگەن.
"جالپى قولدى بولعان ەلەكتر ەنەرگياسىنىڭ كولەمى 50 مەگاۆاتت-ساعاتتان اسادى. بۇل - 50-70 مىڭ حالقى بار قالانىڭ ەنەرگيا تۇتىنۋىمەن تەڭ كورسەتكىش. قىلمىستىق جولمەن الىنعان تابىسقا ۇيىمداستىرۋشى ەلوردادان 2 پاتەر جانە 4 كولىك ساتىپ العان. ولار سوت سانكسياسىمەن بۇعاتتالدى. تەرگەپ-تەكسەرۋ جالعاسىپ جاتىر"، - دەپ جازىلعان حابارلامادا.
