Shyǵysta elektr energiiasyna qatysty shema áshkere boldy, - dep habarlaidy Dalanews.kz.
QMA Shyǵys Qazaqstan oblysy boiynsha departamenti 9 mlrd teńgeden asa somaǵa elektr energiiasyn zańsyz satý deregin anyqtady.
Qoldanystaǵy zańnamaǵa sáikes maining kásiporyndaryna elektr energiiasy tek biryńǵai memlekettik satyp alýshy arqyly jáne 1 megavatt-saǵattan aspaityn kólemde ǵana satylýǵa tiis.
Alaida energiiamen jabdyqtaýshy birqatar kompaniia eki jyl qatarynan halyqqa, áleýmettik nysandar men strategiialyq mańyzy bar kásiporyndarǵa arnalǵan elektr energiiasymen maining kásiporyndaryn zańsyz túrde qamtamasyz etip kelgen.
"Jalpy qoldy bolǵan elektr energiiasynyń kólemi 50 megavatt-saǵattan asady. Bul - 50-70 myń halqy bar qalanyń energiia tutynýymen teń kórsetkish. Qylmystyq jolmen alynǵan tabysqa uiymdastyrýshy elordadan 2 páter jáne 4 kólik satyp alǵan. Olar sot sanktsiiasymen buǵattaldy. Tergep-tekserý jalǵasyp jatyr", - dep jazylǵan habarlamada.
