الماتى وبلىسىندا ءتۇن ورتاسىندا بولعان جول اپاتى سالدارىنان ەكى ادام كوز جۇمدى، دەپ حابارلايدى Dalanews.kz.
ال تىزگىندە وتىرعان 13 جاستاعى ءجاسوسپىرىم اۋىر جاراقات الىپ، اۋرۋحاناعا جەتكىزىلدى.
قايعىلى جاعداي قالا ماڭىنداعى جالپاقساي اۋىلىندا تۇنگى ساعات 12 شاماسىندا تىركەلگەن. ۆاز ماركالى كولىك باستى جولمەن كەلە جاتقان Hyundai اۆتوكولىگىمەن سوقتىعىسقان. كۋاگەرلەردىڭ ايتۋىنشا، جىلدامدىق تىم جوعارى بولعان. قاتتى سوققىدان Hyundai باعاناعا سوعىلىپ، زاقىم العان.
ۆاز كولىگىنىڭ رولىنە كامەلەتكە تولماعان بالا وتىرعان. ال كولىكتەگى 34 جاستاعى جۇرگىزۋشى مەن ونىڭ جولاۋشىسى وقيعا ورنىندا قازا تاپتى.
ءقازىر بۇل دەرەك بويىنشا سوتقا دەيىنگى تەرگەۋ جۇرگىزىلۋدە. پوليسيا ءجاسوسپىرىمنىڭ اتا-اناسىن جاۋاپقا تارتۋ ماسەلەسى قاراستىرىلىپ جاتقانىن مالىمدەدى.
