Almaty oblysynda tún ortasynda bolǵan jol apaty saldarynan eki adam kóz jumdy, dep habarlaidy Dalanews.kz.
Al tizginde otyrǵan 13 jastaǵy jasóspirim aýyr jaraqat alyp, aýrýhanaǵa jetkizildi.
Qaiǵyly jaǵdai qala mańyndaǵy Jalpaqsai aýylynda túngi saǵat 12 shamasynda tirkelgen. VAZ markaly kólik basty jolmen kele jatqan Hyundai avtokóligimen soqtyǵysqan. Kýágerlerdiń aitýynsha, jyldamdyq tym joǵary bolǵan. Qatty soqqydan Hyundai baǵanaǵa soǵylyp, zaqym alǵan.
VAZ kóliginiń róline kámeletke tolmaǵan bala otyrǵan. Al kóliktegi 34 jastaǵy júrgizýshi men onyń jolaýshysy oqiǵa ornynda qaza tapty.
Qazir bul derek boiynsha sotqa deiingi tergeý júrgizilýde. Politsiia jasóspirimniń ata-anasyn jaýapqa tartý máselesi qarastyrylyp jatqanyn málimdedi.
