جەلىدە ستانيسلاۆ چەرچەسوۆتىڭ جالاقىسى شامامەن قانشا بولعانى تۋرالى اقپارات تارادى، دەپ حابارلايدى Dalanews.kz.
ايتا كەتەيىك، قازاقستان فۋتبول قۇراماسىنىڭ باس باپكەرىنىڭ جالاقىسى – قۇپيا اقپارات.
"رەسەيلىك مامان ءبىزدىڭ ۇلتتىق كوماندانى باسقارعان كەزدە، الەۋمەتتىك جەلىلەردە ونىڭ ءبىر ماۋسىمداعى جالاقىسى 1،2 ميلليون ەۋرو بولاتىندىعى ايتىلعان. الايدا ستانيسلاۆ سالاموۆيچ بۇل ايتارلىقتاي ءىرى سومانى جوققا شىعارۋعا تىرىستى"، دەيدى تەلەگرام ارناداعىلار.
بۇل قارجىلىق دەرەككە قازاقستان فۋتبول فەدەراسياسى دا جاۋاپ بەردى. الايدا، ولار بۇل اقپاراتتى جوققا دا شىعارمادى، راستامادى دا.
«ماماننىڭ جالاقىسى كەلىسىمشارتتىڭ قۇپيالىلىعىنا بايلانىستى جاريالاۋعا جاتپايدى. بۇل كەلىسىمشارتتى قارجىلاندىرۋ مەملەكەتتىك بيۋدجەت قاراجاتى ەسەبىنەن جۇزەگە اسىرىلمايدى»، – دەپ حابارلادى قفف.
ستانيسلاۆ چەرچەسوۆ قازاقستان فۋتبول قۇراماسىن 7 اي 24 كۇن باسقاردى. ونىڭ جەتەكشىلىگىمەن ۇلتتىق قۇراما 6 ماچ وتكىزىپ، بىردە-بىر گول سوعا المادى. كوماندا 5 رەت جەڭىلىپ، 1 ويىن تەڭ اياقتالدى. جالپى ناتيجە – 0:15، وكىنىشكە قاراي،بۇل قازاقستاننىڭ پايداسىنداعى ۇپايلار ەمەس.
رەسمي ەمەس اقپاراتقا سەنسەك، بۇل كەزەڭدە رەسەيلىك مامان قازاقستاندا 779 992 ەۋرو (ءار گول ءۇشىن 51 999 ەۋرو) تاپقان. سونىمەن قاتار، كەلىسىمشارت «2+2» سحەماسى بويىنشا جاسالعانىن ۇمىتپاۋ كەرەك. ب ا ق مالىمەتتەرىنە سايكەس، كەلىسىمشارت مەرزىمىنەن بۇرىن توقتاتىلعان جاعدايدا قفف 1 ميلليون ەۋرو كولەمىندە وتەماقى تولەۋى ءتيىس. قالىپتاسقان جاعدايدا، جۇمىستان بوساتۋدى باستاماعانى چەرچەسوۆتىڭ ءوزى بولۋى ابدەن مۇمكىن.
