Jelide Stanislav Cherchesovtiń jalaqysy shamamen qansha bolǵany týraly aqparat tarady, dep habarlaidy Dalanews.kz.
Aita keteiik, Qazaqstan fýtbol quramasynyń bas bapkeriniń jalaqysy – qupiia aqparat.
"Reseilik maman bizdiń ulttyq komandany basqarǵan kezde, áleýmettik jelilerde onyń bir maýsymdaǵy jalaqysy 1,2 million eýro bolatyndyǵy aitylǵan. Alaida Stanislav Salamovich bul aitarlyqtai iri somany joqqa shyǵarýǵa tyrysty", deidi telegram arnadaǵylar.
Bul qarjylyq derekke Qazaqstan fýtbol federatsiiasy da jaýap berdi. Alaida, olar bul aqparatty joqqa da shyǵarmady, rastamady da.
«Mamannyń jalaqysy kelisimsharttyń qupiialylyǵyna bailanysty jariialaýǵa jatpaidy. Bul kelisimshartty qarjylandyrý memlekettik biýdjet qarajaty esebinen júzege asyrylmaidy», – dep habarlady QFF.
Stanislav Cherchesov Qazaqstan fýtbol quramasyn 7 ai 24 kún basqardy. Onyń jetekshiligimen ulttyq qurama 6 match ótkizip, birde-bir gol soǵa almady. Komanda 5 ret jeńilip, 1 oiyn teń aiaqtaldy. Jalpy nátije – 0:15, ókinishke qarai,bul Qazaqstannyń paidasyndaǵy upailar emes.
Resmi emes aqparatqa sensek, bul kezeńde reseilik maman Qazaqstanda 779 992 eýro (ár gol úshin 51 999 eýro) tapqan. Sonymen qatar, kelisimshart «2+2» shemasy boiynsha jasalǵanyn umytpaý kerek. BAQ málimetterine sáikes, kelisimshart merziminen buryn toqtatylǵan jaǵdaida QFF 1 million eýro kóleminde ótemaqy tóleýi tiis. Qalyptasqan jaǵdaida, jumystan bosatýdy bastamaǵany Cherchesovtiń ózi bolýy ábden múmkin.
