سولتٷستٸكتەگٸ كٶرشٸمٸز رەسەي قازاقستاننان ٷلگٸ الىپ, 2015 جىلدان باستاپ 12 جىلدىق بٸلٸم جٷيەسٸنە كٶشە باستاعان بولاتىن. و باستا قازاقستاننىڭ ٸس-تەجٸريبەسٸن جوعارى باعالاعان ورىستار بٸزدٸڭ ەدٸستەمەلٸك باعدارلامالارمەن تانىسىپ, ۇستازدارمەن تەجٸريبە الماسقان بولاتىن. جۋىردا مەن مەسكەۋ مەملەكەتتٸك پەداگوگيكالىق ۋنيۆەرسيتەتٸنٸڭ ارنايى شاقىرۋىمەن وسى وقۋ ورنىنداعى بيولوگييا فاكۋلتەتٸنٸڭ ۇيىمداستىرۋىمەن ٶتكەن حالىقارالىق كونفەرەنتسيياعا قاتىستىم. 12 جىلدىق بٸلٸم جٷيەسٸنە اۋىسۋ جولىندا بٸرشاما تەجٸريبە جيناعان مەملەكەتتٸك مامانى رەتٸندە قازاقستان اتىنان مۇنداي ماڭىزدى باسقوسۋعا قاتىسىپ, كٶكەيگە تٷيگەن ويلارىمدى ورتاعا سالۋ مەنٸڭ ەلٸمٸزدەگٸ بٸلٸم بەرۋ جٷيەسٸنٸڭ قانداي دەڭگەيگە كٶتەرٸلگەنٸن كٶرسەتٸپ بەرگەندەي بولدى.
مەسكەۋدە ٶتكەن دەل وسى جيىننىڭ الدىندا اباي اتىنداعى قازۇپۋ-دە ٶتكەن ونلاين-سەمينارعا مەسكەۋلٸك پروفەسسور, پەداگوگيكا عىلىمدارىنىڭ دوكتورى نيكولاي بوگدانوۆپەن وي بٶلٸسٸپ, 12 جىلدىق بٸلٸم بەرۋ جٷيەسٸنە قاتىستى بٸراز مەسەلەلەردٸ بٸراز تالقىلاعان ەدٸك. كەيٸننەن نيكولاي الەكساندروۆيچ مەنٸ مەسكەۋ مەملەكەتتٸك پەداگوگيكالىق ۋنيۆەرسيتەتٸ ۇيىمداستىرعان ونلاين-سەمينارعا قاتىسىپ 12 جىلدىق بٸلٸم بەرۋ جٷيەسٸنە قاتىستى ويىمدى ورتاعا سالۋدى ۇسىنعاننان كەيٸن, مەن رەسەيلٸك ەرٸپتەسٸمنٸڭ ۇسىنىسىنا قۋانا كەلٸستٸم.
بيولوگييا, حيمييا جەنە جاراتىلىستانۋ سيياقتى نەگٸزٸگ پەندەر بويىنشا ساباق بەرەتٸن ۇستازدار باس قوسقان بۇل سەمينار بارىسىندا مەسكەۋلٸك ماماندار 12 جىلدىڭ بٸلٸم بەرۋ جٷيەسٸندەگٸ قازاقستاننىڭ ٸس-تەجٸريبەسٸنە تەرەڭٸرەك ٷڭٸلگٸسٸ كەلەتٸنٸن العا تارتتى. ونىڭ ٸشٸندە 12 جىلدىق بٸلٸمدەگٸ باستاۋىش سىنىپتارعا ارنالعان باعدارلامالاردىڭ دا ماڭىزىن تٷسٸنۋگە تىرىستى.
سەميناردا كٶپتەگەن ۇستاز-عالىمدار سٶز سٶيلەپ, قازٸرگٸ تاڭدا رەسەيدە 12 جىلدىق بٸلٸم بەرۋ جٷيەسٸ بويىنشا بيولوگييا پەنٸ بويىنشا بٸلٸم باعدارلامالارىن قازاقستاننىڭ تەجٸريبەسٸنە سٷيەنٸپ, جەتٸلدٸرە تٷسۋ كەرەك ەكەنٸن العا تارتتى. بٸر بايقاعانىم, رەسەيدە وقۋ ستاندارتتارى بار بولعانىمەن, ونىڭ ناقتى مازمۇنى مەن تەجٸريبەسٸ قالىپتاسپاعانىنا كٶز جەتكٸزدٸم.
ونلاين باسقوسۋدا ۇسىنعان باياندامامنىڭ تاقىرىبى «جاراتىلىستانۋ. ادام جەنە قوعام پەنٸ بويىنشا بٸلٸم بەرۋدٸ كٷتٸلەتٸن نەتيجەگە باعىتتاۋ» دەپ اتالدى. قازاقستاننىڭ 12 جىلدىق بٸلٸم بەرۋ ٸسٸنە كٶشۋدە باعدارلامالارداعى بٶلٸنگەن ساعاتتاردىڭ مازمۇنى مەن باعىتى تمد ەلدەرٸندەگٸ ۇستازداردى قاتتى قىزىقتىردى. قازٸرگٸ تاڭدا بٸلٸم دەڭگەيٸ العان بٸلٸمنٸڭ كٶلەمٸمەن انىقتالمايدى, سول بٸلٸمنٸڭ نەگٸزٸندە ەرتٷرلٸ مەسەلەلەردٸ شەشە الۋ قابٸلەتتەرٸمەن ٶلشەنەدٸ. باسقاشا ايتقاندا, تۇلعاعا باعدارلانعان ٸس-ەرەكەتتٸك تەسٸل – بٸلٸمنٸڭ مەنٸ مەن ماڭىزىن جوققا شىعارمايدى, ول وقۋشىلاردىڭ العان بٸلٸمدٸ پايدالانا الۋى قابٸلەتتەرٸنە كٶڭٸل اۋدارۋعا باسىمدىق بەرٸلەدٸ.
كەزدەسۋدە ەرٸپتەستەرٸمٸز بٸزدٸڭ مامانداندىرىلعان مەكتەبٸمٸزگە قاتىستى كٶپتەگەن سۇراقتار قويدى. بٸزدٸڭ مەكتەپ ستاندارت بويىنشا بەرٸلەتٸن جالپى بٸلٸممەن قاتار مۋزىكالىق مەكتەپ بولىپ تابىلادى. مۇنداي دارىندى بالالارعا ارنالعان تەرەڭدەتٸلگەن, مامانداندىرىلعان مۋزىكالىق مەكتەپ-ينتەرنات بالالاردى وقىتۋدا جالپى بٸلٸم مەن ارنايى بٸلٸمنٸڭ ەكٸ جاعىن بٸردەي قامتيدى.
گٷلبارشىن جاكيشەۆا, ا.جۇبانوۆ اتىنداعى دارىندى بالالارعا ارنالعان رەسپۋبليكالىق مۋزىكالىق مەكتەپ-ينتەرناتتىڭ ۇستازى.
