قازاقستان قارجىگەرلەرٸ قاۋىمداستىعىنىڭ (ققق) ساراپشىلارى ۇلتتىق ۆاليۋتا باعامى بويىنشا الدىندا جارييالاعان بولجامدارىن قايتا قارادى. ساراپشىلار بۇعان دەيٸن بٸر ايدان كەيٸن 1 اقش دوللارى 516,3 تەڭگە بولادى دەسە, ەندٸ بۇل تسيفردى 519,6 تەڭگەگە ٶزگەرتتٸ. سونداي-اق بۇعان دەيٸن بٸر جىلدان كەيٸنگٸ 1 اقش دوللارىنىڭ باعامى 542,5 تەڭگە بولادى دەپ بولجاسا, ونى 543, 9 تەڭگەگە ٶزگەرتتٸ, دەپ حابارلايدى Dalanews.kz.
"مامىر ايىندا ۇلتتىق ۆاليۋتا قاتتى قۇنسىزدانبايدى, بۇعان توقساندىق سالىق تٶلەمدەرٸ, ۇلتتىق بانكتٸڭ وپەراتسييالارى شەڭبەرٸندە شەتەل ۆاليۋتالارىن ساتۋى (شامامەن 1,2 ملرد دوللار), سونداي-اق قاتاڭ اقشا-كرەديت ساياساتىنىڭ ساقتالۋى ىقپال ەتۋٸ مٷمكٸن. تەڭگەگە شاققانداعى دوللاردىڭ بٸر جىلدان كەيٸنگٸ باعامىنا تٷزەتۋ ەنگٸزٸلدٸ, بۇل, نەگٸزٸنەن سوڭعى تٶرت جىلدا العاش رەت مۇناي باررەلٸ باعاسىنىڭ 60 دوللاردان تٶمەن تٷسۋٸمەن بايلانىستى بولدى", - دەيدٸ قازاقستان قارجىگەرلەرٸ قاۋىمداستىعىنىڭ ساراپشىلارى.
ساراپشىلار ينفلياتسييا بويىنشا جىلدىق بولجامعا دا تٷسەتۋ ەنگٸزدٸ, بۇل كٶرسەتكٸشتٸ 11,2-دەن 11,8% - عا دەيٸن ۇلعايتىپ, قازٸردٸڭ ٶزٸندە باعالار ٶسٸمٸ ٷدەپ جاتقانىن اتاپ ٶتتٸ.
"شيكٸزاتتىڭ ارزانداۋى, ۇزاق مەرزٸمدٸ قاتاڭ قارجىلىق جاعدايلار جەنە نەگٸزگٸ ساۋدا سەرٸكتەستەرٸنٸڭ توقىراۋعا ۇشىراۋ ىقتيمالدىعى قازاقستانداعى ەكسپورت پەن ينۆەستيتسييالىق بەلسەندٸلٸككە قىسىم كٶرسەتۋٸ مٷمكٸن. مۇنداي جاعدايدا بٸر جىلدان كەيٸن جٸٶ ٶسٸمٸ 3,9% (الدىنداعى بولجام - 4,1%) دەڭگەيٸندە قالىپتاسادى دەپ بولجانادى", – دەدٸ ساراپشىلار.
بۇعان دەيٸن بيرجادا ۇلتتىق ۆاليۋتا باعامى نىعايىپ, اقش دوللارىنىڭ قۇنى 515 تەڭگەدەن دە تٶمەندەپ كەتكەنٸن جازعانبىز.
