Qazaqstan qarjygerleri qaýymdastyǵynyń (QQQ) sarapshylary ulttyq valiýta baǵamy boiynsha aldynda jariialaǵan boljamdaryn qaita qarady. Sarapshylar buǵan deiin bir aidan keiin 1 AQSh dollary 516,3 teńge bolady dese, endi bul tsifrdy 519,6 teńgege ózgertti. Sondai-aq buǵan deiin bir jyldan keiingi 1 AQSh dollarynyń baǵamy 542,5 teńge bolady dep boljasa, ony 543, 9 teńgege ózgertti, dep habarlaidy Dalanews.kz.
"Mamyr aiynda ulttyq valiýta qatty qunsyzdanbaidy, buǵan toqsandyq salyq tólemderi, Ulttyq banktiń operatsiialary sheńberinde shetel valiýtalaryn satýy (shamamen 1,2 mlrd dollar), sondai-aq qatań aqsha-kredit saiasatynyń saqtalýy yqpal etýi múmkin. Teńgege shaqqandaǵy dollardyń bir jyldan keiingi baǵamyna túzetý engizildi, bul, negizinen sońǵy tórt jylda alǵash ret munai barreli baǵasynyń 60 dollardan tómen túsýimen bailanysty boldy", - deidi Qazaqstan qarjygerleri qaýymdastyǵynyń sarapshylary.
Sarapshylar infliatsiia boiynsha jyldyq boljamǵa da túsetý engizdi, bul kórsetkishti 11,2-den 11,8% - ǵa deiin ulǵaityp, qazirdiń ózinde baǵalar ósimi údep jatqanyn atap ótti.
"Shikizattyń arzandaýy, uzaq merzimdi qatań qarjylyq jaǵdailar jáne negizgi saýda seriktesteriniń toqyraýǵa ushyraý yqtimaldyǵy Qazaqstandaǵy eksport pen investitsiialyq belsendilikke qysym kórsetýi múmkin. Mundai jaǵdaida bir jyldan keiin JIÓ ósimi 3,9% (aldyndaǵy boljam - 4,1%) deńgeiinde qalyptasady dep boljanady", – dedi sarapshylar.
Buǵan deiin birjada ulttyq valiýta baǵamy nyǵaiyp, AQSh dollarynyń quny 515 teńgeden de tómendep ketkenin jazǵanbyz.
