Memleket qairatkeri Nurlan Qusaiynuly Rahmetov 61 jasqa qaraǵan shaǵynda dúnieden ótti. Ol uzaq jyldar boiy Qazaqstannyń memlekettik organdary men ulttyq kompaniialarynda basshylyq qyzmetter atqarǵan, dep habarlaidy dalanews.kz.
Nurlan Rahmetov 1965 jylǵy 24 qyrkúiekte Batys Qazaqstan oblysynda dúniege kelgen.
1987 jyly M.V. Lomonosov atyndaǵy Máskeý memlekettik ýniversitetin támamdaǵan. Keiin fizika-matematika ǵylymdarynyń kandidaty ǵylymi dárejesin alǵan.
Memlekettik qyzmette 30 jyldan astam eńbek etti
Eńbek jolyn Qazaq KSR Ǵylym akademiiasynyń Matematika jáne mehanika institýtynda bastaǵan. Keiin Abai atyndaǵy Almaty memlekettik ýniversitetinde matematikalyq analiz páninen sabaq bergen.
1990-jyldardyń sońynan bastap memlekettik basqarý jáne ekonomika salasynda qyzmet atqardy.
Ár jyldary:
- "Qazaqstan temir joly" respýblikalyq memlekettik kásiporny bas direktorynyń orynbasary;
- Memlekettik kirister ministrligi Taldaý jáne boljaý departamentiniń direktory;
- Memlekettik kiris vitse-ministri;
- Qazaqstannyń qarjy vitse-ministri qyzmetterin atqarǵan.
2006-2008 jyldary Qarjy ministrliginiń Salyq komitetin basqardy.
"QazMunaiGaz" jáne "Samuryq-Qazynada" jumys istedi
Nurlan Rahmetov elimizdiń iri ulttyq kompaniialarynda da basshylyq qyzmetter atqardy.
Ol "QazTransGaz" jáne Intergas Central Asia kompaniialary bas direktorynyń orynbasary, "QazMunaiGaz" ulttyq kompaniiasynyń ekonomika jáne qarjy jónindegi basqarýshy direktory boldy.
2008 jylǵy qarashadan bastap "Samuryq-Qazyna" ulttyq ál-aýqat qorynyń basqarma quramyna kirip, basqarýshy direktor qyzmetin atqardy.
