Түркістан облысының цифрландыру, мемлекеттік қызметтер көрсету және архивтер басқармасының басшысы Марат Айнабеков Сарыағаш, Келес аудандарына іс-сапармен барды. Алдымен Сарыағаш ауданына қарасты Тың елді мекенінде орнатылған «Билайн» ұялы байланыс операторының орнатқан базалық станциясының жұмысымен танысты, – деп хабарлайды Dalanews.kz.
Қазіргі таңда Түркістан облысында интернетпен қамту деңгейі 92,2%-ды құрайды, яғни 1 942 542 тұрғын интернет желісіне қол жеткізген. Облыстағы 829 ауылдық елді мекеннің 690-ы 3G және 4G мобильді интернет желілерімен қамтылған. Алайда, 139 елді мекеннің 100-і 2G мобильді байланыс желісін ғана пайдаланады, ал 39 елді мекенде байланыс мүлдем жоқ.
Бүгінде станциядағы интернет желісінің жылдамдығы 106 мбит/с құрайды. Сонымен қатар, аудандағы Сіргелі елді мекенінде «Кселл» ұялы байланыс операторының орнатқан базалық станциясымен танысты. Онда интернет желісінің жылдамдығы 30 мбит/с. Бұдан бөлек, Алғабас елді мекенінде орнатылған «Кселл», «Билайн» байланыс операторларының орнатқан базалық станцияларының жұмысы таныстырылды. Онда интернет желісінің жылдамдығы 100 мбит/с құрайды.
Сонымен қатар, басқарма басшысы Келес ауданына қарасты Абай ауылында орнатылған қоғамдық қауіпсіздікті қамтамасыз ететін бейнебақылау камераларын орнату барысымен танысты.
Одан бөлек, аудандағы «Кселл» және «Билайн» ұялы байланыс операторларының тарапынан орнатылған базалық станцияларға барып, интернет желісінің жылдамдығының артқанына көз жеткізді. Айта кетейік, өңірдегі аудан-қалаларда жалпы бейнебақылау жүйесін арттыру жұмыстарын жүргізу негізінде биыл 200 дана бейнебақылау камерасын орнату жоспарлауда.
2023 жылы облыста 152 ауылдық елді мекенді сапалы интернетпен қамтамасыз ету жоспарланып, оның ішінде 51 ауылда жаңа базалық станциялар іске қосылды. Сонымен қатар, 2024 жылдың сәуір айында шалғай орналасқан 330 мектептің 203-іне «Starlink» спутниктік интернет желісі орнатылды, бұл интернет жылдамдығын айтарлықтай арттырды.
Облыс әкімдігі елді мекендерді жоғары жылдамдықты интернетпен қамту жұмыстарын жалғастыруда. Мысалы, 2024 жылдың қазан айында облыстағы 415 елді мекен жоғары жылдамдықты талшықты-оптикалық байланыс желісімен қамтамасыз етілді.
Дегенмен, кейбір ауылдық аймақтарда интернет сапасы әлі де төмен деңгейде қалып отыр. Бұл мәселені шешу үшін облыс басшылығы байланыс операторларымен бірлесіп, инфрақұрылымды дамыту жұмыстарын жүргізуде.
Жалпы алғанда, Түркістан облысында интернетпен қамту деңгейі жоғары болғанымен, кейбір ауылдық елді мекендерде сапалы интернетке қолжетімділік мәселесі өзекті болып отыр. Бұл бағытта жергілікті билік пен байланыс операторлары бірлесіп, қажетті шараларды қабылдауда.
