Бұл оқиға жақын мандағы Сатай, Троебратское және Федоров ауылдық округтері үшін де маңызды болып табылады. Қостанай облысы Төтенше жағдайлар департаменті берген өрт сөндіру автокөлігі бекеттің жарағында тұр. Жергілікті билік жауынгерлер үшін арнайы киім мен жабдық сатып алды.
Ашылу салтанатына Ұзынкөл ауданының әкімі Мұрат Сандыбаев, Қостанай облысының ТЖД бастығының орынбасары, азаматтық қорғау полковнигі Асылхан Құдайбергенов, сондай-ақ Ұзынкөл ауданының ТЖБ ұжымы, тұрғындар, ауыл белсенділері қатысты.
«Тұрғындардың қауіпсіздігін қамтамасыз ету мәселесі - маңызды функциялардың бірі, өйткені адам өмірі мен денсаулығы басымдық болып табылады. Ауылдарда бекеттер ашу өрт сөндіру есебінің келу уақытын айтарлықтай қысқартуға мүмкіндік береді. Мысалы құрылған өрт сөндіру бекеті 5 елді мекенде өрттің алдын алады және барлық қажетті талаптарға сай», - деп атап өтті Мұрат Сандыбайұлы.
Тәулік бойы жауынгерлік кезекшілікті ауыл тұрғындары арасынан 2 адамнан тұратын жеке құрам атқарады. Олар Ұзынкөл ауданының 19-ӨСБ базасында оқыту өткізілді.
«Өрт сөндіру бекетінің ашылуы негізгі өрт сөндіру бөлімшелері келгенге дейін өрт пен өртке жауап берудің нормативтік уақытын қамтамасыз етуге мүмкіндік береді. Демек, біз адамдарды қорғап, мүлікті сақтай аламыз", - деп атап өтті өз кезегінде Қостанай облысы Төтенше жағдайлар департаменті бастығының орынбасары, азаматтық қорғау полковнигі Асылхан Құдайбергенов.
Іс-шара соңында қатысушылардың назарына өрт сөндіру көлігінің шығуы және жеке құрамның сапқа тұруы ұсынылды. Дәстүр бойынша өрт сөндіру бөлімі жеке құрамына «құрғақ жеңдер» мен құтқару және басқа да шұғыл жұмыстарды жүргізуде жедел ден қою тілегі айтылды.
