Наурыз мерекесі қарсаңында Алматы қаласында биіктігі 12 метр, ені 12 метр болатын «Бақыт Бәйтерегі» атты символикалық арт-инсталляция орнатылады, деп хабарлайды Dalanews.kz.
Бұл бірегей нысан қала кәсіпкерлерінің бастамасымен және қолдауымен жүзеге асырылып, Наурыз мейрамының басты құндылықтары — жаңару, бірлік, береке және жасампаздық идеясын бейнелейді.
Бәйтерек — қазақ халқының дүниетанымындағы өмір ағашының символы.
Инсталляцияның:
- тамыры — ұлттық тарих пен ата-баба мұрасы,
- діңі — еліміздің тұрақтылығы мен дамуы,
- бұтақтары — болашаққа ұмтылған жас ұрпақ,
- жапырақтары — халықтың бақыты мен әл-ауқаты.
Ағаштың жоғарғы бөлігінде орналасқан шаңырақ элементтері Қазақстан халқының бірлігін, ортақ үй мен татулықты білдіреді. Бұл композиция еліміздің басты байлығы — қоғамдық келісім мен бейбіт өмірдің көркем бейнесі болып табылады.
«Бақыт Бәйтерегі» — бұл тек мерекелік инсталляция емес, ол Наурыз мерекесінің рухын жеткізетін, қала тұрғындары мен қонақтарына жақсы көңіл-күй сыйлайтын art -нысан.
