Жыл басынан бері 9 586 этникалық қазақ тарихи Отанына оралып, қандас мәртебесін алды. 1991 жылдан бері республикаға жалпы 1 млн 157,6 мың қазақ оралған, деп хабарлайды Dalanews.kz.
Қандастардың келу географиясы:
- 45,7% – Өзбекстаннан,
- 41,8% – Қытайдан,
- 4,6% – Түрікменстаннан,
- 2,7% – Моңғолиядан,
- 2,6% – Ресейден,
- 2,6% – өзге елдерден.
Жас ерекшелігі мен білім деңгейі:
2025 жылғы 1 қыркүйектегі мәлімет бойынша:
- 58,7%-ы – еңбекке қабілетті жаста,
- 32,3%-ы – балалар мен жастар,
- 9%-ы – зейнеткерлер.
Еңбекке жарамдылардың ішінде:
- 15,4%-ы – жоғары білімді,
- 29,7%-ы – арнаулы орта білімді,
- 52,3%-ы – жалпы орта білімді,
- 2,6%-ының білімі жоқ.
Қоныстандыру өңірлері мен квота:
Қандастар негізінен еңбек күші тапшы аймақтарға – Ақмола, Абай, Қостанай, Павлодар, Атырау, Батыс Қазақстан, Шығыс Қазақстан және Солтүстік Қазақстан облыстарына орналастырылды.
2025 жылға арналған қандастар квотасы – 2 309 адам. Оның ішінде 1 қыркүйекке дейін 1 467 қандас елге қоныстанды.
Мемлекеттік қолдау:
- көшуге – әр отбасы мүшесіне 70 АЕК (275,2 мың теңге) көлемінде біржолғы төлем,
- тұрғын үй жалдау және коммуналдық шығындарға – жылына 15–30 АЕК (58,9–117,9 мың теңге).
Жыл басынан бері 594 қандас әлеуметтік қолдауға ие болып, олардың 237-сі тұрақты жұмыспен қамтылды.
Қосымша ынталандыру шаралары:
Ерікті қоныс аударуды арттыру үшін жұмыс берушілерге қолдау тетіктері енгізілді. Сонымен бірге, экономикалық ұтқырлық сертификаты қарастырылған. Ол тұрғын үй сатып алу немесе салу, сондай-ақ ипотеканың бастапқы жарнасын жабуға мүмкіндік береді. Сертификат отбасыға үй құнының 50%-ына дейін, яғни 4,56 млн теңгеге дейін қайтарымсыз беріледі.
