Қазақстанда вице-президент лауазымы пайда болады. Бұл туралы Ұлттық құрылтай отырысында сөз сөйлеген Президент Қасым-Жомарт Тоқаев мәлімдеді, деп хабарлайды Dalanews.kz.
"Қазақстан Республикасының вице-президенті институтын құру және оны Конституцияда тиісті түрде бекіту туралы әңгіме болып отыр. Вице-президентті Парламенттің келісімімен қарапайым көпшілік дауыспен Президент тағайындайды. Оның өкілеттігін Мемлекет басшысының өзі айқындайды", - деді Президент.
Вице-президент Президенттің тапсырмасы бойынша:
- халықаралық форумдарда және шет мемлекеттердің делегацияларымен келіссөздерде Қазақстан Республикасының мүддесін танытады;
- Парламентте Президенттің мүддесін танытады;
- отандық және шетелдік қоғамдық-саяси, ғылыми және мәдени-ағарту ұйымдарымен өзара іс-қимыл жасайды;
- Президенттің өзге де тапсырмаларын орындайды.
