Маңғыстау облысының жұмыспен қамтуды үйлестіру және әлеуметтік бағдарламалар басқармасының бұрынғы басшысы Әсет Шопанов Ақтау қаласы әкімінің орынбасары болып тағайындалды. Бұған дейін ол мас күйінде рөлге отырғаны үшін сот шешімімен 15 тәулікке қамауға алынған еді, деп хабарлайды Dalanews.kz.
"Ақтау қаласы әкімінің орынбасары болып Әсет Шопанов тағайындалды", – делінген сейсенбі күні таратылған ресми хабарламада.
2023 жылдың шілде айында Шопанов мас күйінде көлік жүргізгені үшін ұсталып, 15 тәулікке қамалған. Сонымен қатар сот оны жеті жыл мерзімге жүргізуші куәлігінен айырған. Алайда сол кезде облыстық басқарма басшысы қызметінде болған шенеунік тек қатаң сөгіспен шектелген.
