– Кейбiреулер әлеуметтiк желiлерде «бiр адамға тосқауыл қоюға болмады ма?» деп жазып жатыр. Бiз ұйымдасқан топ қауiптi, жалғыз адам қауiп төндірмейді деп айта алмаймыз. Керiсiнше, бiр адамның немесе шағын топтың іс-әрекетiнiң алдын алу әлдеқайда қиын болады. Себебi, олар еш нәрсені жоспарламайды, қару-жарақ дайындамайды. Сондықтан, күш құрылымдарына жедел арналар арқылы ақпаратты алдын ала алу қиынға түседi. Соңғы уақытта шағын топтар мен жеке қылмыскерлердiң шабуылы ұйымдасқан топтардың әрекетiнен әлдеқайда қауіпті екенін көріп жүрміз, – дедi Е.Қарин.
Саясаттанушы Францияның Ницце қаласында, АҚШ-тың Орландо штатында болған оқиғаларды мысал ретiнде келтiрдi. Бұл лаңкестiк актілерде бiр, көп болса, екi-үш адам ғана әрекет еткен.
Естерiңiзге сала кетсек, кеше Алматыдағы атыс кезінде 3 полицей, 1 шекарашы және 1 тұрғын қаза тапты, 6 полицей мен 3 тұрғын жарақат алды.
